ଭଦ୍ରକ: ଜିଲ୍ଲାର ବାସୁଦେବପୁର ପୌରପାଳିକା ସ୍ଥିତ 'ଆମକାଳୀ ପୂଜା କମିଟି'କୁ ଚଳିତବର୍ଷ 75 ବର୍ଷ ପୂରିଛି । ଏହି ଅବସରରେ ହୀରକ ଜୟନ୍ତି ଉତ୍ସବ ଅନୁଷ୍ଠିତ ହୋଇଛି ।
ଏହି ସମାରୋହରେ ମୁଖ୍ୟ ଅତିଥି ଭାବରେ ଭଦ୍ରକ ସାଂସଦ ମଞ୍ଜୁଲତା ମଣ୍ଡଳ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ବାସୁଦେବପୁର ବିଧାୟକ ବିଷ୍ଣୁବ୍ରତ ରାଉତ ରାଏ ଯୋଗ ଦେଇଥିଲେ ।
ହୀରକ ଜୟନ୍ତୀ ଅବସରରେ ଆମ କାଳୀପୂଜା କମିଟିର ପୁସ୍ତକ ପୁଣ୍ୟଳୟାକୁ ଅତିଥି ମାନେ ଲୋକାର୍ପଣ କରିଥିଲେ । ଏହା ସହିତ ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ବ୍ୟକ୍ତିତ୍ବଙ୍କୁ ସମ୍ବର୍ଦ୍ଧିତ କରାଯାଇଥିଲା । ମହା ଆଡମ୍ବରରେ ପାଳନ ହୋଇଥିବା ଏହି ହୀରକ ଜୟନ୍ତୀ ସମାରୋହରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେଇଥିଲା । ଏହି କାର୍ଯ୍ୟକ୍ରମରେ ବାସୁଦେବପୁରର ହଜାର ହଜାର ଜନସାଧାରଣ ଯୋଗ ଦେଇଥିଲେ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ