ଭଡାଘରୁ ଲକ୍ଷାଧିକ ମୂଲ୍ୟର ଚୋରାକାଠ ଜବତ

ମିଳିତ ଚଢ଼ାଉ କରି ଲକ୍ଷାଧିକ ଟଙ୍କାର ଚୋରା କାଠ ଜବତ କଲା ଭଦ୍ରକ ବନବିଭାଗ ଓ ପୋଲିସ । ଇଚ୍ଛାପୁର ଛକରେ ଥିବା ଏକ ଭଡା ଘରୁ ଜବତ ହୋଇଛି କାଠ। ଅଧିକ ପଢ଼ନ୍ତୁ...

ଭଦ୍ରକ: ଜିଲ୍ଲାର ଗ୍ରାମାଞ୍ଚଳ ଥାନା ଅନ୍ତର୍ଗତ ଇଚ୍ଛାପୁର ଛକରୁ ଲକ୍ଷାଧିକ ଟଙ୍କାର ଚୋରାକାଠ ଜବତ ହୋଇଛି । ବିଶେଷ ସୁତ୍ରରୁ ଖବର ପାଇ ଇଚ୍ଛାପୁର ଛକରେ ଥିବା ଜଗବନ୍ଧୁ ମହଲ ନାମକ ଜଣେ ବ୍ୟକ୍ତିଙ୍କ ଘରୁ ବେଆଇନ ଭାବେ ଗଚ୍ଛିତ ଥିବା ଚୋରା କାଠକୁ ଜବତ କରାଯାଇଥିଲା ।

ଜବତ ହୋଇଥିବା କାଠର ଆନୁମାନିକ ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ସୂଚନା ମିଳିଛି । ବରହମପୁର ଗ୍ରାମର ଜଗବନ୍ଧୁ ମହଲଙ୍କ ଇଚ୍ଛାପୁରରେ ଥିବା ଏହି ଘରକୁ ପୁରୁଣା ବଜାର ଥାନା ଶଙ୍କରପୁର ଅଞ୍ଚଳର ଇମ୍ରାନ ଭଡ଼ା ସୁତ୍ରର ନେଇ ଏହି ବେଆଇନ କାଠ ଗଚ୍ଛିତ କରିଥିବା ଜଣାପଡିଛି।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ