ଭଦ୍ରକ: ଆସାମ ଏୟାରବେସ ଅନ୍ତର୍ଗତ ଗୌହାଟିରେ ସରଜେଣ୍ଟ ଭାବେ ଚାକିରୀ କରୁଥିବା ବୀର ଯବାନଙ୍କ ମୃତଦେହ ଗାଁରେ ପହଞ୍ଚିବା ପରେ ଗାଁରେ ଶୋକାକୁଳ ପରିବେଶ ସୃଷ୍ଟି ହେଇଥିଲା। ବୀର ଯବାନ ବାସୁଦେବପୁର ବ୍ଲକ ବାରାପୁର ଅଞ୍ଚଳର ପଦ୍ମନାଭ ବେହେରାଙ୍କ ପୁଅ ରାଜୀବ ଲୋଚନ ବେହେରା। ରାଜୀବ ଗୌହାଟିରେ କାର୍ଯ୍ୟରତ ଥିବାବେଳେ ହଠାତ ଜ୍ବରରେ ପୀଡିତ ହେଇ ଅସୁସ୍ଥ ହୋଇପଡିଥିଲେ। ତା'ପରେ ତାଙ୍କୁ ସେନା ହସ୍ପିଟାଲରେ ଭର୍ତ୍ତି କରାଯାଇଥିଲା। ହେଲେ ଡାକ୍ତରଙ୍କ ସବୁ ପ୍ରୟାସ ସତ୍ତ୍ବେ ତାଙ୍କର ମୃତ୍ୟୁ ହୋଇଛି।
ଫଟୋ ସୌଜନ୍ୟ: ସମ୍ବାଦଦାତା, ଭଦ୍ରକ ପରେ ବାୟୁସେନାର କାର୍ଯ୍ୟରତ ଯବାନମାନେ ତାଙ୍କ ପାର୍ଥିବ ଶରୀରକୁ କଫିନରେ ନେଇ ଗାଁକୁ ଆସିଥିଲେ। ଗାଁରେ ପହଞ୍ଚିବା ପରେ ମାଜିଷ୍ଟ୍ରେଟଙ୍କ ଉପସ୍ଥିତିରେ ରାଜୀବଙ୍କ ପାର୍ଥିବ ଶରୀର ଉପରେ ତ୍ରିରଙ୍ଗା ପତାକା ଘୋଡାଇ ତାଙ୍କୁ ଗାର୍ଡ ଅଫ ଅନର ପ୍ରଦାନ କରାଯାଇଥିଲା। ବୀର ଯବାନଙ୍କ ପାର୍ଥିବ ଶରୀର ନିକଟରେ ତାଙ୍କ ସ୍ତ୍ରୀ, 6 ମାସର ଶିଶୁକନ୍ୟା ଓ ତାଙ୍କ ପରିବାର ଲୋକଙ୍କ ସହିତ ବହୁ ସଂଖ୍ୟାରେ ଲୋକ ମାନେ ଉପସ୍ଥିତି ଥିଲେ। ବହୁ ମାନ୍ୟଗଣ୍ୟ ବ୍ୟକ୍ତି ମାନେ ପହଞ୍ଚି ବୀର ଯବାନଙ୍କ ଶେଷ ଦର୍ଶନ କରିଥିଲେ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
