ଭଦ୍ରକ : ବକେୟା ମଜୁରୀ ନମିଳିବାରୁ ଅପେରା ଗାଡି ଅଟକାଇଲେ ଯାତ୍ରା କଳାକାର । ୪ଟି ଅପେରା ଗାଡି ସହିତ ଅପେରା ମାଲିକ, ମେନେଜର ଓ ଅନ୍ଯାନ୍ଯ କର୍ମଚାରୀ ମାନଙ୍କୁ ଅଟକ କରାଯାଇଥିବା ଜଣାଯାଇଛି । କଳାକାର ମାନଙ୍କର ନ୍ୟାର୍ଯ୍ୟ ପାଉଣା ପ୍ରାୟ ଦେଢ ଲକ୍ଷ ଟଙ୍କା ଦାବି କରାଯାଉଥିବାବେଳେ ଅପେରା ମାଲିକ ହିସାବ କଲେ ଜଣା ପଡ଼ିବ ବୋଲି କହୁଛନ୍ତି। ଯାହାକୁ ନେଇ ବିବାଦ ହୋଇଥିଲା। ପୋଲିସ ଏବଂ ସ୍ଥାନୀୟ ଲୋକଙ୍କ ହସ୍ତକ୍ଷେପରେ ବିଚାର ବିମର୍ଷ ହୋଇଥିଲା ।
ବକେୟା ମଜୁରୀ ନମିଳିବାରୁ ଅପେରା ମାଲିକଙ୍କୁ ଅଟକାଇଲେ ଯାତ୍ରା କଳାକାର
ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ପୀରହାଟ ଥାନାଧିନ ଖଡିଜାଆଣ ଗାଁରେ। କଳାକାରଙ୍କୁ ମଜୁରୀ ମିଳିନଥିବାରୁ ଏହି କଳାକାରମାନେ ଘରେ ରହି କିପରି ଚଳିବେ ସେନେଇ ଗାଡି ଅଟକାଇ ଏପରି ପ୍ରତିବାଦ କରାଯାଇଥିବା ବେଶ ବାରି ହୋଇଛି । ବିଶ୍ବନାଥ ଅପେରାର ଏହି କଳାକାର ମାନେ ମାଲିକ ସହିତ ହୋଇଥିବା ଚୁକ୍ତି ଅନୁଯାୟୀ ମଜୁରୀ ପ୍ରଦାନ କରିବାରେ ମାଲିକ ଖିଲାପ କରିଥିବା ଅଭିଯୋଗ ହୋଇଛି ।