ଭଦ୍ରକ : ରେଳ ଷ୍ଟେସନରୁ ଗିରଫ ହେଲା ଜଣେ ନାବାଳକ ଆନ୍ତଃରାଜ୍ୟ ମୋବାଇଲ୍ ଲୁଟେରା । ଗିରଫ ଅଭିଯୁକ୍ତ ଠାରୁ 9ଟି ନାମିଦାମୀ ମୋବାଇଲ ଫୋନ ଜବତ କରିଛି ରେଳ ସୁରକ୍ଷା ବଳ । ଗିରଫ ଅଭିଯୁକ୍ତର ପଶ୍ଚିମବଙ୍ଗରେ ହୋଇଥିବାବେଳେ ସେ ନିୟମିତ ରେଳଯାତ୍ରୀଙ୍କ ଠାରୁ ଲୁଟ କରିଆସୁଥିବା ସୂଚନା ଦେଇଛି ଆରପିଏଫ ।
ଆନ୍ତଃରାଜ୍ୟ ନାବାଳକ ଲୁଟେରା ଗିରଫ, ଏକାଧିକ ଦାମି ଫୋନ ଜବତ
ମିଳିଥିବା ଖବର ଅନୁଯାୟୀ, ଗତକାଲି ରାତିରେ ଭଦ୍ରକ ରେଳ ଷ୍ଟେସନରେ ଜଣେ ନାବାଳକ ସନ୍ଦେହଜନକ ଅବସ୍ଥାରେ ବୁଲୁଥିବାବେଳେ ଆରପିଏଫ ପୁଲିସର ନଜର ପଡ଼ିଥିଲା । ପରେ ସନ୍ଦେହ ହେବାରୁ ନାବାଳକ ଜଣକୁ ପଚରାଉଚୁରା କରି ଯାଞ୍ଚ କରିଥିଲା ପୋଲିସ । ଅଭିଯୁକ୍ତ ନିକଟରୁ 9ଟି ନାମିଦାମୀ ମୋବାଇଲ ଫୋନ ଜବତ ହୋଇଥିଲା । ଅଭିଯୁକ୍ତ ଜଣକ ବହୁ ଦିନ ଧରି ଚଳନ୍ତା ଟ୍ରେନରେ ଯାତ୍ରୀଙ୍କ ଠାରୁ ମୋବାଇଲ୍ ଫୋନ ଚୋରି କରିଆସୁଥିଲା । ବିଶେଷ କରି କୋଲକାତା ଠାରୁ ଭଦ୍ରକ ମଧ୍ୟରେ ଯାତ୍ରୀଙ୍କ ଠାରୁ ଲୁଟୁଥିଲା ବୋଲି ପ୍ରାଥମିକ ତଦନ୍ତରୁ ଜଣାପଡିଛି ।