ଉଦଘାଟନ ପୂର୍ବରୁ ଫଳକ ଭାଙ୍ଗିଦେଲେ ଦୁର୍ବୃତ୍ତ

ରାତି ପାହିଲେ ଉଦଘାଟନ ହୋଇଥାନ୍ତା ଆଦର୍ଶ ବିଦ୍ୟାଳୟର ନବନିର୍ମିତ ପ୍ରମୁଖ ଗୃହ । ହେଲେ ରାତିରେ କେହି ଅଜଣା ଦୁର୍ବୃତ୍ତ ଏହାର ଉଦଘାଟନୀ ଫଳକକୁ ଭାଙ୍ଗି ଦେଇଥିବା ସୂଚନା ମିଳିଛି । ଅଧିକ ଖବର ପଢନ୍ତୁ...

ଭଦ୍ରକ: ରାତି ପାହିଲେ ଉଦଘାଟନ ହୋଇଥାନ୍ତା ଆଦର୍ଶ ବିଦ୍ୟାଳୟର ନବନିର୍ମିତ ପ୍ରମୁଖ ଗୃହ । ହେଲେ ରାତିରେ କେହି ଅଜଣା ଦୁର୍ବୃତ୍ତ ଏହାର ଉଦଘାଟନୀ ଫଳକକୁ ଭାଙ୍ଗି ଦେଇଥିବା ସୂଚନା ମିଳିଛି । ଏପରି ଏକ ଅଭାବନୀୟ ଘଟଣା ଘଟିଛି ଭଦ୍ରକ ଜିଲ୍ଲା ଧାମନଗର ବ୍ଲକରେ ।

ଖବର ଅନୁଯାୟୀ ଭଦ୍ରକ ଜିଲ୍ଲା ଧାମନଗର ବ୍ଲକ ଅନ୍ତର୍ଗତ ଶ୍ୟାମପୁର ଠାରେ ଓଡିଶା ଆଦର୍ଶ ବିଦ୍ୟାଳୟର ନବ ନିର୍ମିତ ପ୍ରମୁଖ ଗୃହ ଶୁକ୍ରବାର ଉଦଘାଟନ ହୋଇଥାନ୍ତା । ଭଦ୍ରକ ସାଂସଦ ମଞ୍ଜୁଲତା ମଣ୍ଡଳ ଏହି ବିଦ୍ୟାଳୟର ନବନିର୍ମିତ ପ୍ରମୁଖ ଗୃହକୁ ଉଦଘାଟନ କରିଥାନ୍ତେ ।

ଉଦଘାଟନ ପାଇଁ ଫଳକରେ ବିଧାୟକ, ଜିଲ୍ଲାପାଳ, ଜିଲ୍ଲାପରିଷଦ ଅଧ୍ୟକ୍ଷ, ଧାମନଗର ବ୍ଳକ ଅଧ୍ୟକ୍ଷଙ୍କ ସମେତ ଜିଲ୍ଲା ଶିକ୍ଷାଧିକାରୀଙ୍କ ନାମ ଲେଖାଯାଇଥିଲା । ହେଲେ ବିଳମ୍ବିତ ରାତିରେ ଏହିପରି ଘଟଣା କିଏ ଓ କାହିଁକି ଘଟାଇଲା ସେ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଖବର ପାଇ ଧାମନଗର ପୋଲିସ ଘଟଣାସ୍ଥଳରେ ପହଞ୍ଚି ଏନେଇ ଅଧିକ ତଦନ୍ତ କରୁଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ