ଭଦ୍ରକ: ଭଦ୍ରକରେ ଆଜି ଦେବୀ ମା' ଦୁର୍ଗାଙ୍କର ଭସାଣୀ ଉତ୍ସବ ଅନୁଷ୍ଠିତ ହୋଇଯାଇଛି। 3 ଦିନ ଧରି ପୂଜା ମଣ୍ଡପରେ ମା'ଙ୍କ ପୂଜାର୍ଚ୍ଚନା ପରେ ଆଜି (ମଙ୍ଗଳବାର) ମା'ଙ୍କ ମୃଣ୍ମୟୀ ମୁର୍ତ୍ତିଙ୍କୁ ବିସର୍ଜନ କରାଯାଇଛି। ନିରାଡ଼ମ୍ବର ଭାବେ ଏହି ଭସାଣୀ ଉତ୍ସବ କରାଯାଇଥିଲା। କୋଭିଡ କଟକଣା ଯୋଗୁଁ କୌଣସି ସାଜସଜ୍ଜା କରାଯାଇନଥିଲା। ସମସ୍ତ ପୂଜା ମଣ୍ଡପ ପକ୍ଷରୁ ଶାନ୍ତି ଶୃଙ୍ଖଳାର ସହ ଭସାଣୀ ଉତ୍ସବ କରାଯାଇଥିଲା।
ଶାନ୍ତି ଶୃଙ୍ଖଳାର ସହ ଭଦ୍ରକରେ ମା' ଦୁର୍ଗାଙ୍କର ଭସାଣୀ ଉତ୍ସବ ଅନୁଷ୍ଠିତ
ଏନେଇ ବିଭିନ୍ନ ପୂଜାମଣ୍ଡପ ମାନଙ୍କରେ ମା'ଙ୍କୁ ବିଦାୟକାଳୀନ ପୂଜାର୍ଚ୍ଚନା କରାଯାଇଥିଲା। କୋରୋନା କଟକଣା ଯୋଗୁଁ ମା'ଙ୍କ ବିଦାୟ ଯାତ୍ରାରେ ମହିଳାଙ୍କ ଦ୍ବାରା ସିନ୍ଦୂର ଅର୍ପଣ କାର୍ଯ୍ୟକ୍ରମ କରାଯାଇପାରିନଥିଲା। ଦେବୀଙ୍କ ବିଦାୟ ଯାତ୍ରାରେ ମହିଳାମାନଙ୍କ ଦ୍ଵାରା ମା'ଙ୍କ ମସ୍ତକରେ ସିନ୍ଦୂର ଅର୍ପଣ କରାଯାଇଥାଏ।