ଭଦ୍ରକ: ବେଆଇନ ଭାବେ ଭୁବନେଶ୍ୱରରୁ କୋଲକାତା ଚାଲାଣ ହେଉଥିବା ଗୋରୁ ବୋଝେଇ କଣ୍ଟେନରକୁ ଜବତ କରିଲା ପୋଲିସ । ଏହି କଣ୍ଟେନରରୁ 100ରୁ ଊର୍ଦ୍ଧ୍ୱ ଗୋରୁଙ୍କୁ ଉଦ୍ଧାର କରାଯାଇଥିବା ସୂଚନା ମିଳିଛି ।
ଖବର ଅନୁଯାୟୀ, ଭଦ୍ରକ ଜିଲ୍ଲା ଦେଇ ଯାଇଥିବା 16 ନମ୍ବର ଜାତୀୟ ରାଜପଥର ଭଣ୍ଡାରିପୋଖରୀ ଥାନା ଅନ୍ତର୍ଗତ ଡାହାଲା ଛକ ନିକଟରେ ଏକ କଣ୍ଟେନରକୁ ଯାଞ୍ଚ କରିବାବେଳେ ସେଥିରେ ବେଆଇନ ଭାବେ ଗୋ ଚାଲାଣ ହେଉଥିବା ଜଣାପଡ଼ିଥିଲା । ପରେ କଣ୍ଟେନରକୁ ଜବତ କରି ବେଆଇନ ଭାବେ ଚାଲାଣ କରାଯାଉଥିବା ଗୋରୁଙ୍କୁ ପୋଲିସ ଉଦ୍ଧାର କରି ଏନେଇ ଅଧିକ ତଦନ୍ତ ଚଳାଇଥିବା ଜଣାପଡିଛି ।