ଭଦ୍ରକ: ସନ୍ଦେହ ସବୁ ସମ୍ପର୍କକୁ ବିଗାଡି ଦିଏ । ସନ୍ଦେହ ପାଖରେ ଭଲ ପାଇବାର ମାନେ କିଛି ନଥାଏ । ଆଉ ଥରେ ସାତ ଜନମର ସମ୍ପର୍କରେ ସନ୍ଦେହ ଭଳି ଶଦ୍ଦ ଆସିଲେ ସୁନା ସଂସାରକୁ ମଧ୍ୟ ଉଜାଡି ଦିଏ । ଯାହାର ଜ୍ବଳନ୍ତ ଚିତ୍ର ଦେଖିବାକୁ ମିଳିଛି ଭଦ୍ରକ ଜିଲ୍ଲା ଧୂଷରୀ ଥାନା କୋଠାର ଗ୍ରାମରେ । ନିଜ ପତ୍ନୀର ଚରିତ୍ରକୁ ସନ୍ଦେହ କରି ସାତ ଜନମର ସାଥୀ ହୋଇ ରହିବାକୁ ହାତ ଧରିଥିବା ସ୍ବାମୀ ନେଇଛି ଜୀବନ । ଟାଙ୍ଗିଆରେ ହାଣି ସ୍ତ୍ରୀକୁ କରିଛି ହତ୍ୟା ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
କୋଠାର ଗ୍ରାମର ସଞ୍ଜୟ ମହାଳିକ ପଞ୍ଜାବର ଏକ ସୂତା ମିଲରେ କାମ କରୁଛି । ଗତ 2 ଦିନ ପୂର୍ବେ ସଞ୍ଜୟ ନିଜ ଘରକୁ ଆସିଥିଲା । କିନ୍ତୁ କୌଣସି କାରଣରୁ ତାଙ୍କୁ ନିଜ ସ୍ତ୍ରୀ ରଶ୍ମିତା ମହାଳିକର ଚରିତ୍ରକୁ ନେଇ ସନ୍ଦେହ ହୋଇଥିଲା । ଆଉ ଏହି ସନ୍ଦେହ ଉଭୟଙ୍କ ମଧ୍ୟରେ ବିବାଦର ରୂପ ନେଇଥିଲା । କ୍ରମଶଃ ସଞ୍ଜୟର ସନ୍ଦେହର ସୀମା ମଧ୍ୟ ବଢିବାରେ ଲାଗିଥିଲା । ଆଉ ସଞ୍ଜୟର ଏହି ସନ୍ଦେହ ନେଇଥିଲା ରଶ୍ମିତାର ଜୀବନ । ଏକ ଟାଙ୍ଗିଆରେ ସେ ରଶ୍ମିତାକୁ ହାଣି ହତ୍ୟା କରିଛି ।