ଭଦ୍ରକ: ରମଜାନ ମାସ ଇସଲାମ ଧର୍ମାବଲମ୍ବୀଙ୍କ ପାଇଁ ସବୁଠାରୁ ପୂଣ୍ୟ ଓ ପବିତ୍ର ମାସ । ରମଜାନ ମାସର ଅର୍ଥ ଉପବାସର ମାସ । ଏହି ମାସରେ ୩୦ ଦିନ ଧରି ରୋଜା ରଖି ଆହ୍ଲାଙ୍କୁ ସମସ୍ତ ବିପଦ ଆପଦରୁ ରକ୍ଷା ପାଇଁ ପ୍ରାର୍ଥନା କରାଯାଏ । ଚଳିତ ମାସ ଛଅ ତାରିଖ ରାତିରେ ଚନ୍ଦ୍ର ଦର୍ଶନ ପରେ ମୁସଲମାନ ଭାଇଭଉଣୀ ମାନେ ପାଳନ କରୁଛନ୍ତି ରମଜାନ। ଚନ୍ଦ୍ର ଦର୍ଶନ ପରେ ସମସ୍ତେ ନିଜ ନିଜର ପରିବାର ବର୍ଗଙ୍କୁ ରମଜାନର ଶୁଭେଛା ଜଣାଇଛନ୍ତି । ଏଥିପାଇଁ ଚଳଚଞ୍ଚଳ ଭଦ୍ରକ ସହର । ରମଜାନ ପାଇଁ ଝଲସୁଛି ଭଦ୍ରକର ସମସ୍ତ ମସଜିଦ୍ ।
ମୁସଲମାନ ଭାଇଭଉଣୀ ମାନେ ରମଜାନ ପାଇଁ ରୋଜା ରଖନ୍ତି । ଏହି ରୋଜା 30 ଦିନ ଧରି ଚାଲେ । 30 ଦିନ ପର୍ଯ୍ୟନ୍ତ ସକାଳୁ ରାତି ଯାଏଁ ଉପାସ ରହି ଦିନକୁ 5 ଥର ଲେଖାଏଁ ନମାଜ ପଢନ୍ତି ସମସ୍ତେ । ଅନ୍ୟ ସମୟରେ ନମାଜ ନ ପଢୁଥିବା ଲୋକ ମଧ୍ୟ ଏହି ସମୟରେ ନମାଜ ପଢନ୍ତି । ରମଜାନ୍ରେ 5 ଥର ନମାଜ ପାଠକୁ ଫଜର, ଜୋହର, ଅସର, ମଗରିବ, ଇଶା ବା ତରାଭି କହନ୍ତି । ଦିନ ସାରା ଉପାସ ରହି ସଂଧ୍ୟାରେ 6.30 ପରେ ମର୍ଗବା ପଢି ଖାଦ୍ୟ ଗ୍ରହଣ କରନ୍ତି । ରମଜାନ ମାସର ବିଶେଷ ରାତିରେ ଉଜାଗର ରହି ନମାଜ ପାଠ, କୋରାନ ପାଠ ଓ ଆଲ୍ଲାଙ୍କ ନାମଜପ କରାଯାଏ । ମୁସଲମାନ ମାନେ ରମଜାନ ମାସର ଦିନବେଳେ ଖାଦ୍ୟ ପାନୀୟ ପରିହାର କରିବା ସହ ପୁରା ମାସ ସାରା ବିଳାସବ୍ୟସନଠାରୁ ଦୂରେଇ ରୁହନ୍ତି ।