ହେରାପଞ୍ଚମୀ ଅବସରରେ ମହାପ୍ରଭୁଙ୍କ ଦିବ୍ୟ ବସ୍ତ୍ର ପ୍ରଦର୍ଶନ

ଭଦ୍ରକରେ ପାଳିତ ହେଲା ହେରାପଞ୍ଚମୀ । ଏହି ପରିପ୍ରେକ୍ଷୀରେ ଚୈତନ୍ୟ ମହାପ୍ରଭୁଙ୍କ ଚନ୍ଦନ ଚର୍ଚ୍ଚିତ ପରିଧେୟ ଦିବ୍ୟ ବସ୍ତ୍ର ପ୍ରଦର୍ଶନ ହୋଇଥିଲା । ଅଧିକ ପଢ଼ନ୍ତୁ

ଭଦ୍ରକ: ଭଦ୍ରକ ସାଳନ୍ଦୀ ନଦୀକୂଳସ୍ଥିତ ମଦନ ମୋହନ ଜୀଉ ମନ୍ଦିରରେ ହେରାପଞ୍ଚମୀ ଧୁମଧାମରେ ପାଳିତ ହୋଇଯାଇଛି । ଏହି ଅବସରରେ ପ୍ରାଚୀନତମ ବୈଷ୍ଣବପୀଠରେ ଚୈତନ୍ୟ ମହାପ୍ରଭୁଙ୍କ ଚନ୍ଦନ ଚର୍ଚ୍ଚିତ ପରିଧେୟ ଦିବ୍ୟ ବସ୍ତ୍ର ପ୍ରଦର୍ଶନ ଅନୁଷ୍ଠିତ ହୋଇଯାଇଛି । ବର୍ଷକୁ ଥରେ ହେରାପଞ୍ଚମୀ ଦିନ ଅନୁଷ୍ଠିତ ହେଉଥିବା ଏହି ବସ୍ତ୍ର ପ୍ରଦର୍ଶନକୁ ଦେଖିବାକୁ ମନ୍ଦିରରେ ଶ୍ରଦ୍ଧାଳୁଙ୍କ ନାହିଁନଥିବା ଭିଡ଼ ଜମିଥିଲା ।

କିମ୍ବଦନ୍ତୀ ଅନୁସାରେ ଚୈତନ୍ୟ ମହାପ୍ରଭୁ ପୁରୀରୁ ବୃନ୍ଦାବନ ଯାତ୍ରା କରିବା ଅବସରରେ ଏହି ପୀଠରେ ପାଞ୍ଚ ଦିନ ଅବସ୍ଥାନ କରିଥିଲେ । ସେ ସମୟରେ ତତ୍କାଳୀନ ମହନ୍ତ ମହାରାଜାଙ୍କୁ ନିଜର ଅଙ୍ଗବସ୍ତ୍ର ପ୍ରଦାନ କରି ଚାଲିଯାଇଥିଲେ । ସେହିଦିନ ଠାରୁ ହେରାପଞ୍ଚମୀ ତିଥିରେ ଏହି ପୀଠରେ ଗୋଟିଏ ଦିନ ପାଇଁ ଏହି ଦିବ୍ୟବସ୍ତ୍ର ପ୍ରଦର୍ଶନ ଅନୁଷ୍ଠିତ ହୋଇଥାଏ ।

ଇଟିଭି ଭାରତ, ଭଦ୍ରକ