ବିଡିଓ କାର୍ଯ୍ୟାଳୟ ପରିସରରେ ଜିଆରଏସଙ୍କ ଆତ୍ମାହୁତି ଉଦ୍ୟମ

ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ଗୁଆଗଡିଆ ପଞ୍ଚାୟତର କାର୍ଯ୍ୟରତ ଗ୍ରାମ ରୋଜଗାର ସେବକ ବା ଜିଆରଏସ ଆତ୍ମାହୁତି ଉଦ୍ୟମ କରିଛନ୍ତି । ଅଧିକ ପଢନ୍ତୁ...

ଭଦ୍ରକ: କିରୋସିନ ଢାଳି ଜଣେ କାର୍ଯ୍ୟରତ ଜିଆରଏସଙ୍କ ଆତ୍ମହତ୍ୟା ଉଦ୍ୟମ । ବିଡିଓ କାର୍ଯ୍ୟାଳୟ ପରିସରରେ ଜିଆରଏସ ଜଣକ ଆତ୍ମାହୁତି ଉଦ୍ୟମ କରିଛନ୍ତି । ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ଗୁଆଗଡିଆ ପଞ୍ଚାୟତର କାର୍ଯ୍ୟରତ ଗ୍ରାମ ରୋଜଗାର ସେବକ ବା ଜିଆରଏସ ଆତ୍ମାହୁତି ଉଦ୍ୟମ କରିଛନ୍ତି ।

ଖବର ଅନୁଯାୟୀ, ଗୁଆଗଡିଆ ପଞ୍ଚାୟତ ଜିଆରଏସ ଉତ୍କଳ ମଲିକ ଦୀର୍ଘ 10 ମାସ ଧରି ବେତନ ପାଇନାହାଁନ୍ତି । ଏନେଇ ସେ ବାରମ୍ଵାର ବିଡିଓଙ୍କ ଦୃଷ୍ଟି ଆକର୍ଷଣ କରିଥିଲେ ମଧ୍ୟ କୌଣସି ସୁଫଳ ପାଇ ନଥିଲେ। ତାଙ୍କ ଅଭିଯୋଗ ପରେ ତାଙ୍କୁ ମାତ୍ର ଦୁଇ ମାସର ବେତନ ମିଳିଥିବା ସୂଚନା ମିଳିଛି ।

ଅନ୍ୟପକ୍ଷରେ ଅର୍ଥ ଅଭାବରୁ ସେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ବୋଲି ଜଣାପଡିଛି । ଶେଷରେ ଦରମା ଦାବିରେ ଉତ୍କଳ ଆଜି ନିଜ ଜୀବନ ହାରିବା ପାଇଁ ବ୍ଳକ ପରିସର ମଧ୍ୟରେ ଦେହରେ କିରୋସିନ ଢାଳି ନିଆଁ ଲଗାଇବା ସମୟରେ ବ୍ଳକର ଅନ୍ୟ କର୍ମଚାରୀମାନେ ତାଙ୍କୁ ଉଦ୍ଧାର କରିଛନ୍ତି ।

ଘଟଣାସ୍ଥଳରେ ବାସୁଦେବପୁର ପୋଲିସ ପହଞ୍ଚି ଉତ୍କଳଙ୍କୁ ବୁଝାସୁଝା କରି ଥାନାକୁ ନେଇ ଯାଇଥିଲେ । ଏନେଇ ବିଡିଓଙ୍କ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇନାହିଁ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ