ଭଦ୍ରକ: 15 ନମ୍ବର ଜିଲ୍ଲାପରିଷଦ ଜୋନରୁ ବିଜେଡି ଜିଲ୍ଲା ପରିଷଦ ପ୍ରାର୍ଥୀ ଭାବେ ନିର୍ବାଚିତ ପ୍ରଫୁଲ୍ଲ ଜେନା ଭଦ୍ରକ ଜିଲ୍ଲା ପରିଷଦ ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି । ଆଜି(ରବିବାର) ଅଧ୍ୟକ୍ଷ ପଦବୀ ପାଇଁ କେବଳ ପ୍ରଫୁଲ୍ଲ ନାମାଙ୍କନ ପତ୍ର ଦାଖଲ କରିଥିଲେ । ତେଣୁ, ସେ ନିର୍ଦ୍ଵନ୍ଦରେ ନିର୍ବାଚିତ ହୋଇଛନ୍ତି ।
ଜିଲ୍ଲା ପରିଷଦ ଅଧ୍ୟକ୍ଷ ଭାବେ ପୂର୍ବତନ ବିଧାୟକ ପ୍ରଫୁଲ ଜେନା ନିର୍ଦ୍ଵନ୍ଦରେ ନିର୍ବାଚିତ
ସୂଚନା ଅନୁଯାୟୀ, ଭଦ୍ରକ ଜିଲ୍ଲା ଭଣ୍ଡାରୀପୋଖରୀ ବିଧାନସଭା ନିର୍ବାଚନମଣ୍ଡଳୀ ଅନ୍ତର୍ଗତ 8ଟି ପଞ୍ଚାୟତକୁ ନେଇ 15 ନମ୍ବର ଜିଲ୍ଲା ପରିଷଦ ଜୋନରେ ଚଳିତ ପଞ୍ଚାୟତ ନିର୍ବାଚନରେ ପ୍ରଫୁଲ୍ଲ ଜେନା ବିଜେଡିରୁ ପ୍ରତିନ୍ଦ୍ବନ୍ଦିତା କରି 8309 ଭୋଟରେ ବିଜୟ ହୋଇଥିଲେ । 1991ରୁ 1995 ମସିହା ପର୍ଯ୍ୟନ୍ତ ଭଣ୍ଡାରୀପୋଖରୀ ବିଧାୟକ ଭାବେ ପ୍ରଫୁଲ୍ଲ ଜେନା ମଧ୍ୟ ପ୍ରତିନିଧିତ୍ଵ କରିଥିଲେ ।