ଗବସାହିରେ ଅଗ୍ନିକାଣ୍ଡ, ଜଳିଗଲା 4 ବଖରା ଘର

ଅଗ୍ନିକାଣ୍ଡରେ ଜଳିଗଲା 4 ବଖରା ଘର । ଭଦ୍ରକ ଜିଲ୍ଲା ଗବସାହି ଗାଁରେ ଘଟିଛି ଏହି ଭୟାବହ ଅଗ୍ନିକାଣ୍ଡ । ଖବର ପାଇ ଘଟଣାସ୍ଥଳରେ ଦମକଳବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା ।

ଭଦ୍ରକ: ଜିଲ୍ଲାର ଗବଶାହି ଗାଁରେ ଭୟାବହ ଅଗ୍ନିକାଣ୍ଡ । କୌଣସି କାରଣରୁ ଅଗ୍ନିକାଣ୍ଡ ଘଟି 4 ବଖରା ଘର ଭସ୍ମୀଭୂତ ହେବା ସହ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଯାଇଛି । ଖବର ପାଇ ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା ।

ସେପଟେ ଦମକଳବାହିନୀ ବିଳମ୍ବରେ ପହଞ୍ଚିବାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି । ତେବେ କେଉଁ କାରଣରୁ ଘରେ ନିଆଁ ଲାଗିଲା ସ୍ପଷ୍ଟ ହୋଇ ନଥିବାବେଳେ ବିଦ୍ୟୁତ ସର୍ଟସର୍କିଟ ଯୋଗୁଁ ଅଗ୍ନିକାଣ୍ଡ ଘଟିଥିବା ନେଇ ଅନୁମାନ କରାଯାଉଛି । ଅନ୍ୟପକ୍ଷରେ ଅଗ୍ନିକାଣ୍ଡରେ କ୍ଷତିଗ୍ରସ୍ତ ହୋଇଥିବା କିଶୋର ପ୍ରସାଦ ପାଣି ଓ ଜ୍ଞାନ ପ୍ରକାଶ ପାଣିଙ୍କ ପରିବାରକୁ କ୍ଷତିପୂରଣ ଦେବା ପାଇଁ ସାଧାରଣରେ ଦାବି ହୋଇଛି ।

ଭଦ୍ରକକୁ ଦେବାଶିଷ ମହାପାତ୍ର, ଇଟିଭି ଭାରତ