ବିଳମ୍ବିତ ରାତିରେ ଜଳିଗଲା 10 ବଖରା ଘର, ସର୍ବସ୍ବାନ୍ତ 4 ପରିବାର

ଭଦ୍ରକ ଜିଲ୍ଲା କଲେଇ ପଞ୍ଚାୟତରେ ଭୟାବହ ଅଗ୍ନିକାଣ୍ଡ । ବିଳମ୍ବିତ ରାତିରେ ନିଆଁ ଲାଗିଯିବାରୁ ଛାରଖାର ହୋଇଗଲା 10 ବଖରା ଘର । ଅଧିକ ପଢନ୍ତୁ...

ଭଦ୍ରକ: ଜିଲ୍ଲାର କଲେଇ ପଞ୍ଚାୟତରେ ଭୟାବହ ଅଗ୍ନିକାଣ୍ଡ । ଭୟଙ୍କର ନିଆଁ ଲାଗି ଜଳିଗଲା 10 ବଖରା ଘର । ଗୁରୁବାର ବିଳମ୍ବିତ ରାତିରେ ନିଆଁ ଲାଗିଯିବାରୁ 4 ପରିବାର ସର୍ବସ୍ବାନ୍ତ ହୋଇପଡିଛନ୍ତି । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି।

ନିଆଁ ଲାଗିବା କ୍ଷଣି ଜୀବନ ବିକଳରେ ସମସ୍ତେ ବାହାରକୁ ଚାଲିଆସିଥିଲେ । ନିଆଁର ପ୍ରଖରତା ଯୋଗୁଁ ଘର ଭିତରୁ କୌଣସି ଜିନିଷ ବାହାରକୁ ଆଣିବା ସମ୍ଭବ ହୋଇନଥିଲା । ଫଳସ୍ବରୂପ ଘରର ସମସ୍ତ ସମ୍ପତ୍ତି ତଥା ଆସବାବ ପତ୍ର, ଧାନଚାଉଳ, ଘର କରଣା ଜିନିଷ, ଲୁଗାପଟା ସବୁ ଜଳିପୋଡି ଛାରଖାର ହୋଇପଡିଛି । ସେପଟେ ଖବର ପାଇ ଦମକଳବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ