ଭଦ୍ରକ: ଜିଲ୍ଲାର ପ୍ରସିଦ୍ଧ ଶୈବପୀଠ ବାବା ଆଖଣ୍ଡଳମଣିଙ୍କ ମନ୍ଦିରର ଭଣ୍ଡାର ଘରେ ଅଗ୍ନିକାଣ୍ଡ ହୋଇଛି। ନିଆଁ ଲାଗିବା ଯୋଗୁଁ ଭଣ୍ଡାର ଘରେ ଥିବା ଆସବାବପତ୍ର, ବାସନକୁସନ ସମେତ ଲକ୍ଷାଧିକ ଟଙ୍କା ପ୍ରଭୃତି ପୋଡି ହୋଇ ପାଉଁଶ ହୋଇଯାଇଛି। ଗତ ଗୁରୁବାର ବିଳମ୍ବିତ ରାତିରେ ଅଗ୍ନିକାଣ୍ଡ ହୋଇଥିବା ବେଳେ, ଏହାର କାରଣ ଅସ୍ପଷ୍ଟ ରହିଛି। ଗତ ଗୁରୁବାର ମନ୍ଦିରର ସେବାୟତ ଠାକୁରଙ୍କର ସମସ୍ତ ନୀତିକାନ୍ତି ସାରି ପହଡ଼ ପକାଇଥିଲେ। ହେଲେ ବିଳମ୍ବିତ ରାତିରେ ଭଣ୍ଡାରଘରୁ ପ୍ରବଳ ମାତ୍ରାରେ ଧୂଆଁ ବାହାରୁଥିବା ଦେଖିବାକୁ ପାଇଥିଲେ ଦୁଇ ଜଣ ସିକ୍ୟୁରିଟି ଗାର୍ଡ। ଏନେଇ ସେମାନେ ମନ୍ଦିର ପରିଚାଳକଙ୍କୁ ଜଣାଇବା ସହ ଅଗ୍ନିଶମ ବିଭାଗକୁ ଖବର ଦେଇଥିଲେ। ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚିଥିଲା। ନିଆଁର ପ୍ରକୋପ ଏତେ ଥିଲା ଯେ ସବୁକିଛି ପୋଡି ଛାରଖାର ହୋଇଯାଇଛି।
ନିଆଁ ଆଁରେ ଜଳିଗଲା ଆଖଣ୍ଡଳମଣି ମନ୍ଦିରର ଭଣ୍ଡାର ଘର