ଭଦ୍ରକ:ଜିଲ୍ଲାର ଚାନ୍ଦବାଲି ବ୍ଲକ ଅନ୍ତର୍ଗତ ପଳାଶପୁର ଗ୍ରାମରେ ରବିବାର ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡରେ ଗ୍ରାମର 3 ଜଣଙ୍କ ଘର ପୋଡି ହୋଇଯାଇଥିବା ଦେଖିବାକୁ ମିଳିଛି । ତେବେ ଏ ସମ୍ପର୍କରେ ଖବର ପାଇବା ପରେ ଦମକଳ ବାହିନୀ ସେଠାରେ ପହଞ୍ଚି ନିଆଁକୁ ଆୟତ୍ତ କରିଥିଲା ।
ଭଦ୍ରକରେ ଅଗ୍ନିକାଣ୍ଡ, ଜଳିଗଲା 3 ବଖରା
ଖେରଙ୍ଗ ଗ୍ରାମପଞ୍ଚାୟତର ଉକ୍ତ ଗ୍ରାମର ଭରତ ପଡ଼ିହାରି, ଶତ୍ରୁଘନ ପଡ଼ିହାରି ଓ ପାର୍ବତୀ ପଡ଼ିହାରିଙ୍କର ତିନି ବଖରା ଘର ପୋଡ଼ି ପାଉଁଶ ହୋଇଯାଇଛି । ଘରେ ଥିବା ସମସ୍ତ ଆସବାବପତ୍ର, ଧାନ, ଚାଉଳ, କଂସାବାସନ ପୋଡି ପାଉଁଶ ହୋଇଯାଇଛି । ନିଆଁର ପ୍ରକୋପ ଏତେ ଥିଲା ଯେ ପିନ୍ଧୀଥିବା ଲୁଗା ବ୍ୟତୀତ କିଛି ବି ବାହାର କରିପାରି ନଥିଲେ ପରିବାର ଲୋକେ କହିଛନ୍ତି । ନିଆଁକୁ ଆୟତ୍ତ କରିବାରେ ଗ୍ରାମବାସୀଙ୍କ ବହୁ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଥିଲେ ।