ପ୍ରେମ ବିବାହ କଲେ ଝିଅ, ଥାନା ଆଗରେ ଶୁଦ୍ଧି ହେଲେ ବାପା

Father Perform Last Rites Of Daughter:ଭଦ୍ରକ ଜିଲ୍ଲା ଚାନ୍ଦବାଲିରେ ବାପାଙ୍କ କଥା ନମାନି ପ୍ରେମ ବିବାହ କଲେ ଝିଅ । ବାପାଙ୍କ ନାମରେ ଥାନାରେ ଏତଲା ଦେବାରୁ ଜିଇଁ ଥାଉ ଥାଉ ଝିଅ ପାଇଁ ଶୁଦ୍ଧି ହେଲେ ବାପା । ଅଧିକ ପଢନ୍ତୁ

ଭଦ୍ରକ: ପ୍ରେମ, ସ୍ନେହ ଭଲ ପାଇବା ଦ୍ୱାହି ତ ପ୍ରାୟ ପ୍ରତ୍ୟେକ ଦେଇ ଥାଆନ୍ତି । କିନ୍ତୁ ବାସ୍ତବ ଜୀବନରେ ଏହାକୁ ଅନୁକରଣ କରିବାକୁ ଅଧିକାଂଶ ଚାହାନ୍ତି ନାହିଁ । ଆଧୁନିକ ଯୁଗରେ ଏବେ ବି ପ୍ରେମ ଓ ଭଲ ପାଇବାକୁ ଏକ ଦୋଷ ରୂପେ ଦେଖି ଆସୁଛି ସମାଜ । ଭଦ୍ରକ ଜିଲ୍ଲା ଚାନ୍ଦବାଲିରେ ବାପାଙ୍କ କଥା ନମାନି ପ୍ରେମ ବିବାହ କଲେ ଝିଅ । ହେଲେ ଝିଅର ଏହି କାମକୁ ବିରୋଧ କଲେ ବାପା । ଏହାକୁ ନେଇ ଝିଅ ବାପାଙ୍କ ନାମରେ ଥାନାରେ ଏତଲା ଦେବାରୁ ଜିଇଁ ଥାଉ ଥାଉ ଝିଅ ପାଇଁ ଶୁଦ୍ଧି ହେଲେ ବାପା ।

ସୂଚନା ଅନୁଯାୟୀ, ନାଲୁଗୁଣ୍ଡା ପଞ୍ଚାୟତ ଇଟୁଆ ଗାଁରେ କାଳୀ ଚରଣ ପଣ୍ଡାଙ୍କ ଝିଅ ଶଶ୍ମିତା କଲେଜର ପଢନ୍ତି । ଏହି ସମୟରେ ସେ ଘଂଟେଶ୍ଵର ଅଂଚଳରେ ଜଣେ ଯୁବକଙ୍କ ସହ ତାଙ୍କର ପ୍ରେମ ସମ୍ପର୍କ ଗଢ଼ି ଉଠିଥିଲା । ତେବେ ସମ୍ପୃକ୍ତ ବ୍ୟକ୍ତି ଜଣକ ପୂର୍ବରୁ ବିବାହିତ ଥିବା ବାପା ଜାଣିବାକୁ ପାଇଥିଲେ । ଏହାକୁ ନେଇ ସେ ଝିଅକୁ ବୁଝାଇବାକୁ ମଧ୍ୟ ଚେଷ୍ଟା କରିଥିଲେ । ହେଲେ ଝିଅ ଲୁଚି ପଳାଇ ସମ୍ପୃକ୍ତ ବ୍ୟକ୍ତିଙ୍କୁ ଏକ ମନ୍ଦିରରେ ପରିବାର ଲୋକଙ୍କ ଅଜଣାତରେ ବିବାହ କରିଥିଲେ । ଏହା ପରେ ପ୍ରେମ ବିବାହକୁ ଵାପା ବିରୋଧ କରିବାରୁ ଝିଅ ଶଶ୍ମିତା ଚାନ୍ଦବାଲି ଥାନାରେ ଏତଲା ଦେଇଛନ୍ତି ।

ଝିଅର ଅଭିଯୋଗ ପରେ ବାପା ଜଣକ ଥାନା ଆଗରେ ଆସି ନିଆଁ ଜାଳି ଝିଅ ପାଇଁ ଶୁଦ୍ଧି ହୋଇଛନ୍ତି । ଯାହା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ଏନେଇ ଚାନ୍ଦବାଲି ଥାନା ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇନାହିଁ । ଅନ୍ୟପଟେ ଏନେଇ ଶଶ୍ମିତାଙ୍କ ବାପା କାଳିଚରଣ ପଣ୍ଡା କହିଛନ୍ତି ଯେ,"ମୋ ଝିଅ ଯାହାକୁ ବିବାହ କରିଛି ମୁଁ ସେ ପୁଅକୁ ଗ୍ରହଣ କରେ ନାହିଁ । ସେ ପୁଅ ତିନି ଜଣଙ୍କ ବିବାହ କରିଛି । ଏହା ପରେ ସେ ମୋ ଝିଅକୁ ବିବାହ କରିଛି । ଏଥିପାଇଁ ମୁଁ ଝିଅକୁ ବିରୋଧ କରିବାରୁ ସେ ମୋ ବିରୋଧରେ ଥାନାରେ ଏତଲା ଦେଇଛି । ସେଥିପାଇଁ ମୁଁ ଶୁଦ୍ଧି ହୋଇଛି ।"

ଇଟିଭି ଭାରତ, ଭଦ୍ରକ