ଭଦ୍ରକ: ସୁଧୁରୁନି ଚାଷୀଙ୍କ ସମସ୍ୟା । ମଣ୍ଡିରେ ଧାନ କିଣାକୁ ଲାଗି ରହିଛି ଚାଷୀଙ୍କ ସମସ୍ୟା । ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ନାୟକାଣିଡିହି ସମବାୟ ସମିତି ସମ୍ପାଦକଙ୍କ ମନମୁଖୀ କାର୍ଯ୍ୟ ପାଇଁ ଧାନ ବିକ୍ରି କରି ନପାରି ବାଧ୍ୟ ହୋଇ ଶେଷରେ ସମିତି ଆଗରେ ବିଷ ବୋତଲ ଧରି ଧାରଣାରେ ବସିଛି ଚାଷୀ ।
ସମବାୟ ସମିତି ଆଗରେ ଧାରଣାରେ ଚାଷୀ
ଚାଷୀର ନାମ ପଞ୍ଜିକରଣ ହେବା ସହିତ ଚାଷୀମାନେ ଟୋକନ ମଧ୍ୟ ପାଇଛନ୍ତି । ମାତ୍ର ସମ୍ପାଦକଙ୍କ ମନମୁଖୀ କାର୍ଯ୍ୟ ଯୋଗୁଁ ଚାଷୀମାନେ ଧାନ ବିକ୍ରିରୁ ବଞ୍ଚିତ ହୋଇଛନ୍ତି। ନିର୍ଦ୍ଧାରିତ ସମୟ ମଧ୍ୟରେ ଟୋକନଧାରୀଙ୍କ ଠାରୁ ଧାନ ନ କିଣି ବେନିୟମ ଭାବେ ଚଞ୍ଚକତା କରି ସମ୍ପାଦକ ଧାନ କିଛି ନିଜ ସମ୍ପର୍କୀୟ ମାନଙ୍କ ଠାରୁ କିଣୁଥିବା ଅଭିଯୋଗ ହୋଇଛି । ପ୍ରକୃତ ଚାଷୀଙ୍କୁ ହଇରାଣ କରା ଯାଉଥିବା ଅଭିଯୋଗ ହୋଇଛି।