ଭଦ୍ରକ: ସଠିକ ସମୟରେ ମାତ୍ର 266 ଟଙ୍କା ଋଣ ବୀମା ରାଶିର ପ୍ରିମିୟମ ବାବଦକୁ ପୈଠ କରିଥିବାରୁ, ଚାଷିଙ୍କ ମୃତ୍ୟୁ ପରେ ପରିବାର ଲୋକେ ପାଇଲେ 5 ଲକ୍ଷ ଟଙ୍କାର ବୀମାରାଶି । ଖବର ଅନୁଯାୟୀ ବାଲେଶ୍ୱର-ଭଦ୍ରକ କେନ୍ଦ୍ରିୟ ସମବାୟ ବ୍ୟାଙ୍କ ପକ୍ଷରୁ 4 ଜଣ ମୃତ ଚାଷୀଙ୍କ ପରିବାରକୁ 5 ଲକ୍ଷ ଟଙ୍କା ଲେଖାଁଏ ବୀମାରାଶି ପ୍ରଦାନ କରାଯାଇଛି । ନରେନ୍ଦ୍ରପୁର, ଚାରିତରଫ, ମଙ୍ଗଳପୁର ଓ ବିଲଣା ସେବା ସମବାୟ ସମିତିର ଏପରି 4 ପରିବାରକୁ ମୋଟ 20 ଲକ୍ଷ ଟଙ୍କା ସମବାୟ ବ୍ୟାଙ୍କ ପକ୍ଷରୁ ପ୍ରଦାନ କରାଯାଇଛି ।
ଏହି ବ୍ୟାଙ୍କ ଅଧିନ ବିଲଣା ସେବା ସମବାୟ ସମିତିରୁ କୃଷିଋଣ ନେଇଥିବା ଚାଷୀ କେରଡିହ ବିଲଣା ଗାଁର ଅଜୟ ଜେନାଙ୍କ ପରିବାରକୁ 5 ଲକ୍ଷ ଟଙ୍କାର ବୀମାରାଶି ପ୍ରଦାନ କରାଯାଇଛି । ଏହି ଅବସରରେ ତିହିଡ଼ି ବ୍ୟାଙ୍କ ଶାଖା ପରିଚାଳକ ସୁଶାନ୍ତ କୁମାର ପୁହାଣ ମୃତ ଚାଷୀଙ୍କ ବିଧବା ସ୍ତ୍ରୀ ତପସ୍ୱିନୀ ଜେନାଙ୍କୁ ଚେକ୍ ପ୍ରଦାନ କରିଥିଲେ । ବିଲଣା ସମବାୟ ସମିତି ସମ୍ପାଦକ ଅମରେନ୍ଦ୍ର ନାୟକଙ୍କ ସମେତ ବ୍ୟାଙ୍କ କର୍ମକର୍ତ୍ତା ଓ ବିଭିନ୍ନ ସମିତିର ସମ୍ପାଦକମାନେ ଉପସ୍ଥିତ ଥିଲେ । କୃଷିଋଣ ନେବା ସମୟରେ ବୀମା ରାଶିର ପ୍ରିମିୟମ ବାବଦକୁ ମାତ୍ର 266 ଟଙ୍କା ସମିତି ମାଧ୍ୟମରେ ଜମା କରିଥିଲେ ।