ଭଦ୍ରକ: ମଦ ଦୋକାନ ଖୋଲିବା ନେଇ ମିଥ୍ୟା ପ୍ରଚାର । ସୁପ୍ରିମକୋର୍ଟଙ୍କ ନିର୍ଦ୍ଦେଶକ୍ରମେ ଭଦ୍ରକ ଜିଲ୍ଲା ପୀରହାଟରେ ଥିବା ମଦ ଦୋକାନ 2017ରୁ ବନ୍ଦ ରହିଛି । ଏପରି ସ୍ଥିତିରେ ଏକ ସଂଗଠନ ଉକ୍ତ ମଦ ଦୋକାନ ପୁଣି ଖୋଲାଯିବା ନେଇ ପ୍ରଚାର ଚଳାଇଛି ଯାହାକୁ ବିଜେଡି ଦଳ ପକ୍ଷରୁ ସମ୍ପୂର୍ଣ୍ଣ ମିଥ୍ୟା ବୋଲି କୁହାଯାଇଛି ।
ମଦ ଦୋକାନ ଖୋଲିବା ନେଇ ମିଥ୍ୟା ପ୍ରଚାର
ଏହି ସଂଗଠନ ଉକ୍ତ ମଦ ଦୋକାନ ଖୋଲାଯିବାକୁ ବିରୋଧ କରିବା ସହିତ ପଞ୍ଚାୟତର ଜନ ପ୍ରତିନିଧି ଓ ରାଜନେତା ମାନେ ମୋଟା ଅଙ୍କରେ ଟଙ୍କା ନେଇ ମଦ ଦୋକାନ ଖୋଲିବା ଲାଗି ଅନୁମତି ପ୍ରଦାନ କରିଥିବା ଡାକବାଜି ଯନ୍ତ୍ର ସହାୟତାରେ ପ୍ରଚାର ଚାଲାଇଛି। ଯାହାକୁ ତୀବ୍ର ବିରୋଧ କରିଛି ବିଜୁ ଜନତା ଦଳ। ତେବେ ପୀରହାଟରେ ମଦ ଦୋକାନ ପୁଣି ଖୋଲିବା ନେଇ ସରକାରୀ ସ୍ତରରେ କୌଣସି ସୂଚନା ନାହିଁ ବୋଲି ଦଳ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି।