ଆକ୍ସନ ମୁଡରେ ଅବକାରୀ ବିଭାଗ: 4ଶହ ଲିଟର ଦେଶୀ ମଦ ସହ 2 ଗିରଫ

ଭଦ୍ରକ ଅବକାରୀ ବିଭାଗ ଚଢାଉ କରି 4ଶହ ଲିଟର ଦେଶୀ ମଦ ସହ 2 ଜଣଙ୍କୁ ଗିରଫ କରିଛି । ଏଥିରେ ଏକ ବୋଲେରୋ ଗାଡି ମଧ୍ୟ ଜବତ କରାଯାଇଛି ।

ଭଦ୍ରକ: ଜିଲ୍ଲାରେ ନିଶା କାରବାର ବୃଦ୍ଧି ପାଇଥିବାବେଳେ ଅବକାରୀ ବିଭାଗକୁ ମିଳିଛି ସଫଳତା । କେନ୍ଦ୍ରାଞ୍ଚଳ ଅବକାରୀ ବିଭାଗ ଓ ଜିଲ୍ଲା ଅବକାରୀ ବିଭାଗ ମିଳିତ ଚଢାଉ କରି 4ଶହ ଲିଟର ଦେଶୀ ମଦ ସହ 2ଜଣଙ୍କୁ ଗିରଫ କରିବାରେ ସଫଳ ହୋଇଛି । ଏହି ଚଢାଉରେ ଏକ ବୋଲେରୋ ଗାଡି ମଧ୍ୟ ଜବତ ହୋଇଛି ।

ସୂଚନା ଅନୁଯାୟୀ, ଏକ ବୋଲେରୋ ଗାଡିରେ ଦେଶୀ ମଦ ଚାଲାଣ ହେଉଥିବା ନେଇ ଖବର ପାଇଥିଲା ଅବକାରୀ ବିଭାଗର ସ୍ବତନ୍ତ୍ର ଟିମ୍‌ । ପରେ କେନ୍ଦ୍ରାଞ୍ଚଳ ଅବକାରୀ ବିଭାଗ ଏବଂ ଭଦ୍ରକ ଅବକାରୀ ବିଭାଗର ଏକ ସ୍ବତନ୍ତ୍ର ଟିମ୍ ମିଳିତ ଭାବେ ଚଢାଉ କରି ରାଣୀତାଲ ନିକଟରେ ବୋଲେରୋ ସହ ଦେଶୀ ମଦ ଓ ଏଥିରେ ସମ୍ପୃକ୍ତି ଥିବା 2ଜଣଙ୍କୁ ଗିରଫ କରିଥିଲେ ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ