ଭଦ୍ରକ: ‘ଇଟିଭି ଭାରତ’ର ମହାପ୍ରଭାବ । ଇଚ୍ଛାମୃତ୍ୟୁ ମାଗୁଥିବା ଶୀତଲଙ୍କୁ ମିଳିଲା ସହାୟତାର ହାତ । ଦୁର୍ଘଟଣା ପରେ ଦୀର୍ଘ 11 ମାସ କାଳ ଯନ୍ତ୍ରଣା ସହ ଜୁଝୁଛନ୍ତି ଶୀତଲ । ଏ ନେଇ ‘ଇଟିଭି ଭାରତ’ରେ ଖବର ପ୍ରସାରଣ ହେବା ପରେ 15 ବର୍ଷୀୟା ଶୀତଲଙ୍କୁ ସହାୟତାର ହାତ ବଢିଛି । ଭଦ୍ରକ ବିଧାୟକ ସଞ୍ଜୀବ ମଲ୍ଲିକ ଶୀତଲଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ଶୀତଲଙ୍କୁ ନିଜ ଝିଅ ପରି ସମସ୍ତ ପ୍ରକାର ଚିକିତ୍ସା ଯୋଗାଇ ଦେବା ପାଇଁ ‘ଇଟିଭି ଭାରତ’କୁ ଏକ ସ୍ବତନ୍ତ୍ର ସାକ୍ଷାତକାରରେ ପ୍ରତିଶୃତି ଦେଇଛନ୍ତି ବିଧାୟକ । ଏଥିସହ ଜିଲ୍ଲା ଦେଇ ଯାଇଥିବା 16 ନମ୍ବର ଜାତୀୟ ରାଜପଥ କଡରେ ଥିବା ସମସ୍ତ ସ୍କୁଲ ଗୁଡିକରେ ପଢୁଥିବା ଛାତ୍ରଛାତ୍ରୀଙ୍କ ସୁରକ୍ଷା ନେଇ ପଦକ୍ଷେପ ଗ୍ରହଣ କରାଯିବ ବୋଲି ବିଧାୟକ ପ୍ରତିଶ୍ରୁତି ଦେଇଛନ୍ତି ।