ଭଦ୍ରକ: ଇସଲାମ ଧର୍ମର ସର୍ବଶ୍ରେଷ୍ଠ ମାସ ରମଜାନ । କୁରାନ ଅନୁଯାୟୀ ବର୍ଷସାରା ଭଲ କାର୍ଯ୍ୟ କଲେ ଯେତିକି ପୂଣ୍ୟ ମିଳେ, ରମଜାନ ମାସରେ ପାଳନ କଲେ ତା'ର 7 ଗୁଣା ଅଧିକ ପୂଣ୍ୟ ମିଳେ । ଚନ୍ଦରାତରୁ ଆରମ୍ଭ ହୋଇ ଇଦଚାନ୍ଦରେ ସମାପ୍ତ ହୋଇଥାଏ ଏହି ରମଜାନ ମାସ । ହେଲେ ଚଳିତ ବର୍ଷ ଲକଡାଉନ ଯୋଗୁଁ ଇଦ ଉତ୍ସବ ଭଦ୍ରକରେ ଫିକା ପଡିଯାଇଛି।
କଟକଣା ମଧ୍ୟରେ ଭାଇଚାରାର ସହର ଭଦ୍ରକରେ ଇଦ୍ ପାଳନ
ଭାଇଚାରାର ସହର ଭଦ୍ରକରେ ବାସ କରୁଥିବା ଇସଲାମ ସମ୍ପ୍ରଦାୟର ପ୍ରତ୍ୟେକ ଲୋକେ ବେଶ ନିଷ୍ଠାର ସହ ପାଳନ କରୁଛନ୍ତି ପବିତ୍ର ରମଜାନ । ହେଲେ ଗତ ବର୍ଷ ପରି ଚଳିତ ବର୍ଷ ମଧ୍ୟ ଏଥିରେ ବ୍ୟତିକ୍ରମ ଦେଖାଯାଉଛି । କୋରୋନା ମହାମାରୀ କାରଣରୁ ସୃଷ୍ଟି ହୋଇଥିବା ପ୍ରତିକୂଳ ପରିସ୍ଥିତି ଯୋଗୁଁ ଏହି ପରିସ୍ଥିତି ସୃଷ୍ଟି ହୋଇଛି । ମସଜିଦଗୁଡିକ ଏକ ପ୍ରକାର ଶୂନଶାନ୍ ହୋଇଯାଇଛି ।