ନକଲି ଜର୍ଦ୍ଦା କାରଖାନା ଠାବ, ଲକ୍ଷାଧିକ ଟଙ୍କାର ସାମଗ୍ରୀ ଜବତ

ଭଦ୍ରକ ଜିଲ୍ଲା ପୋଲିସର ମିଳିତ ଚଢାଉ । ନକଲି ଜର୍ଦ୍ଦା କାରଖାନା ଠାବ ହୋଇଛି ଏହା ସହିତ ବିପୁଳ ପରିମାଣର ନକଲି ଜାର୍ଦ୍ଦା ଜବତ ହୋଇଛି । ଅଧିକ ପଢନ୍ତୁ...

ଭଦ୍ରକ : ଟାଉନ ଥାନା ପୁଲିସ ଏବଂ ପୁରୁଣା ବଜାର ପୁଲିସ ର ମିଳିତ ଚଢାଉ। ବିପୁଳ ପରିମାଣର ନକଲି ଜାର୍ଦ୍ଦା ସହିତ ଅନ୍ୟାନ୍ୟ ସମାଗ୍ରୀ ପୋଲିସ ଜବତ କରିଛି ।

କୌଣସି ସୂତ୍ରରୁ ଖବର ପାଇ ଟାଉନ ଥାନା ଏବଂ ପୁରୁଣା ବଜାର ପୋଲିସ ମିଳିତ ଚଢାଉ କରିଥିଲା । ଭଦ୍ରକ ସହରର ମିର୍ଜାପୁର, ନୂଆ ବସଷ୍ଟାଣ୍ଡ ସମେତ ବିଭିନ୍ନ ସ୍ଥାନରେ ଏନେଇ ଚଢାଉ କରାଯାଇଛି। ଏହି ଚଢାଉ ସମୟରେ ବିପୁଳ ପରିମାଣର ନକଲି ଜାର୍ଦ୍ଦା, ନକଲି ଡବା ଜବତ କରାଯାଇଛି । ଏହା ସହିତ ପ୍ୟାକିଂ ଯନ୍ତ୍ରାଂଶ ସମେତ ବିଭିନ୍ନ ପ୍ରକାରର ନକଲି ଜର୍ଦ୍ଦା ପ୍ରସ୍ତୁତ କରିବା ସାମଗ୍ରୀ ଗୁଡିକ ଜବତ ହୋଇଛି ।

ଏହି ଘଟଣାରେ 3ଜଣଙ୍କୁ ପୋଲିସ ଅଟକ ରଖି ଅଧିକ ତଦନ୍ତ ଜାରି ରଖିଛି । ତେବେ ଏନେଇ ପୋଲିସ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇନାହିଁ ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ