ଭଦ୍ରକ: ପ୍ରେମ ପାଇଁ ବାପା ଓ ଝିଅଙ୍କୁ ହାଣିଲା ବିଫଳ ପ୍ରେମିକ । ଉଭୟ ବାପା ଓ ଝିଅ ଗୁରୁତର ଅବସ୍ଥାରେ ଏବେ କଟକ ମେଡିକାଲକୁ ସ୍ଥାନାନ୍ତର ହୋଇଛନ୍ତି । ଏମିତି ଦୁଃଖଦ ଘଟଣା ଘଟିଛି ଭଦ୍ରକ ଜିଲ୍ଲା ବନ୍ତ ଥାନା ଡାଳିମ୍ବଗଢିଆ ଅଞ୍ଚଳରେ। ଏହି ଘଟଣାରେ ସମ୍ପୃକ୍ତ ଅଭିଯୁକ୍ତ ଜଣକ ହେଲେ ରାଜା।
ଆକ୍ରମଣର ଶିକାର ହୋଇଥିବା ବାପା ଓ ଝିଅ ହେଲେ ବନ୍ତ ଥାନା ଦୋଳାପଦି ଗାଁ ର ରବୀନ୍ଦ୍ର ସାହୁ ଓ ଝିଅ ନମିତା ସାହୁ। ଆକ୍ରମଣ ପରେ ଉଭୟ ବାପ ଓ ଝିଅଙ୍କ ଶରୀରରେ ଗଭୀର ଆଘାତ ଲାଗିଛି ।
ସୂଚନା ଅନୁଯାୟୀ, ଅଭିଯୁକ୍ତ ରାଜା ପୂର୍ବରୁ ନମିତାକୁ ବାହା ହେବା ପାଇଁ ଯୁବତୀଙ୍କ ଘରଲୋକଙ୍କୁ ନିବେଦନ କରିଥିଲେ । ହେଲେ ରାଜା ସହ ଝିଅକୁ ବାହାଘର ପାଇଁ ଘର ଲୋକ ମନା କରିଦେଇଥିଲେ । ଯାହାଫଳରେ ପ୍ରତିଶୋଧ ପରାୟଣ ହୋଇ ଯୁବକ ଜଣକ ଏମିତି କାଣ୍ଡ କରିଥିବା ସୂଚନା ମିଳିଛି ।
ସ୍ଥାନୀୟ ଲୋକେ ଉଭୟ ବାପା ଓ ଝିଅଙ୍କୁ ଗୁରୁତର ଅବସ୍ଥାରେ ଭଦ୍ରକ ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲେ । ଅବସ୍ଥା ଗୁରୁତର ହେବାରୁ ବାପା ଓ ଝିଅଙ୍କୁ କଟକ ବଡମେଡିକାଲକୁ ସ୍ଥାନାନ୍ତର କରାଯାଇଛି। ଯୁବତୀ ଓ ତାଙ୍କ ବାପାଙ୍କ ବୟାନ ଆଧାରରେ ବନ୍ତ ପୋଲିସ ଅଭିଯୁକ୍ତକୁ ଖୋଜୁଛି।
ଭଦ୍ରକରୁ ଦେବାଶିଷ ମହାପାତ୍ର,ଇଟିଭି ଭାରତ
