ଉଚ୍ଛେଦ ହେଲା ଶୁଖୁଆ ଗୋଦାମ

ଭଦ୍ରକ ଜିଲ୍ଲା ବାଇପାସ ସ୍ଥିତ ଆରଏମସି ମାର୍କେଟ ପରିସରରେ ଥିବା ଶୁଖୁଆ ଗୋଦାମ ଗୁଡିକୁ ଉଚ୍ଛେଦ କରାଯାଇଛି । ଅଧିକ ଖବର ପଢନ୍ତୁ...

ଭଦ୍ରକ: ଉଚ୍ଛେଦ ହେଲା ଶୁଖୁଆ ଗୋଦାମ । ଭଦ୍ରକ ଜିଲ୍ଲା ବାଇପାସ ସ୍ଥିତ ଆରଏମସି ମାର୍କେଟ ପରିସରରେ ଥିବା ଶୁଖୁଆ ଗୋଦାମଗୁଡିକୁ ଉଚ୍ଛେଦ କରାଯାଇଛି । ଜିଲ୍ଲା ପ୍ରଶାସନ ପକ୍ଷରୁ ଆରଏମସି ମାର୍କେଟର ଉନ୍ନତିକରଣ ପାଇଁ ଏହି ଗୋଦାମ ଘର ଗୁଡିକୁ ଭାଙ୍ଗି ଦିଆଯାଇଛି ।

ସୂଚନା ଅନୁଯାୟୀ, 50 ରୁ ଅଧିକ ଶୁଖୁଆ ବେପାରୀ ଏଠାରେ ବେପାର କରି ନିଜର ପରିବାର ପ୍ରତିପୋଷଣ କରିଆସୁଥିଲେ । ତେବେ ପୂର୍ବରୁ କୌଣସି ନୋଟିସ ନଦେବା କିମ୍ବା ଥଇଥାନ ବ୍ୟବସ୍ଥା ନକରି କେବଳ ମାଇକ ଯୋଗେ ପ୍ରଚାର କରି ପ୍ରଶାସନ ପକ୍ଷରୁ ଏହିପରି ପଦକ୍ଷେପ ନିଆଯାଇଥିବା ଶୁଖାଆ ବେପାରୀମାନେ ଅଭିଯୋଗ କରିଛନ୍ତି । ଯାହାକୁ ନେଇ ଅସନ୍ତୋଷ ପ୍ରକାଶ ପାଇଛି ।

ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ବୁଝାସୁଝା କରିବା ପରେ ସ୍ଥିତି ସାମାନ୍ୟ ହୋଇଥିଲା । ତେବେ ତୁରନ୍ତ ପ୍ରଶାସନ ପକ୍ଷରୁ ଏହି କ୍ଷତିଗ୍ରସ୍ତ ବେପାରୀମାନଙ୍କୁ ଥଇଥାନ କରାନଗଲେ ଆଗାମୀ ଦିନରେ କ୍ଷତିଗ୍ରସ୍ତମାନେ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ