ଭଦ୍ରକ: ଧାମନଗର ଉପନିର୍ବାଚନ ପାଇଁ ଭୋଟ ଗଣତି ଜାରି ରହିଛି । ରାଜ୍ୟରେ ହୋଇଥିବା ବିଧାନସଭା ଉପନିର୍ବାଚନ ଇତିହାସରେ ହେବ କି ବଡ ପରିବର୍ତ୍ତନ । ବାଜି ମାରି ନେବେ କି ସୂର୍ଯ୍ୟବଂଶୀ । ପୋଷ୍ଟାଲ ବାଲାଟ କାଉଣ୍ଟି ସମାପ୍ତ ହୋଇଛି । ଏହାପରେ ଇଭିଏମ ଭୋଟ ଗଣିତ ଆରମ୍ଭ ହୋଇଥିଲା । ବିଜେପି ପ୍ରାର୍ଥୀ ସୂର୍ଯ୍ୟବଂଶୀ ସୂରଜ ଆଗୁଆ ଥିବା ସୂଚନା । ଚତୁର୍ଥ ରାଉଣ୍ଡ ସୁଦ୍ଧା 3261 ଖଣ୍ଡ ଭୋଟରେ ସୂର୍ଯ୍ୟବଂଶୀ ଆଗୁଆ ଥିବା ସୂଚନା । ପୋଷ୍ଟାଲ ବାଲାଟ ପରେ ଇଭିଏମ ଖୋଲିଥିଲା । ଭଦ୍ରକ ସଂସ୍କୃତି ଭବନରେ କଡ଼ା ସୁରକ୍ଷାରେ ଗଣତି ଜାରି ରିହିଛି ।
ଚତୁର୍ଥ ରାଉଣ୍ଡ ଗଣତି ଶେଷ ହୋଇଛି । ଚତୁର୍ଥ ରାଉଣ୍ଡ ଗଣତି ସୁଦ୍ଧା ପଛରେ ପଡିଛନ୍ତି ବିଜେଡି ପ୍ରାର୍ଥୀ ଅବନ୍ତୀ ଦାସ । ବିଜେପି ପ୍ରର୍ଥୀ ସୂର୍ଯ୍ୟବଂଶୀଙ୍କୁ 18181ଖଣ୍ଡ ଭୋଟ ମିଳିଥିବାବେଳେ ବିଜେଡି ପ୍ରାର୍ଥୀ ଅବନ୍ତୀଙ୍କୁ 14920 ଖଣ୍ଡ ଭୋଟ ମିଳିଛି । ସ୍ବାଧୀନ ପ୍ରାର୍ଥୀ ରାଜେନ୍ଦ୍ରଙ୍କୁ 2362 ଖଣ୍ଡ ଭୋଟ ମିଳିଛି । କଂଗ୍ରେସ ପ୍ରାର୍ଥୀ ବାବା ହରେକୃଷ୍ଣ ସେଠୀଙ୍କୁ 557 ଖଣ୍ଡ ଭୋଟ ମିଳିଛି । ଅନ୍ୟ ଜଣେ ସ୍ବାଧୀନ ପ୍ରାର୍ଥୀଙ୍କୁ 92 ଖଣ୍ଡ ମିଳିଛି ।