ଭଦ୍ରକ: ଇଦ ଉଲ ଜୁହା ଡ୍ୟୁଟିରେ ଆସି ଜିଲ୍ଲାରେ ଆଖି ବୁଜିଛନ୍ତି ଜଣେ ଡେପୁଟି ସୁବେଦାର । ଡେପୁଟି ସୁବେଦାର ଜଣଙ୍କ IRB 3 ବାଟାଲିଅନର ହୋଇଥିବା ବେଳେ ତାଙ୍କର ଏପରି ଅସ୍ବାଭାବିକ ମୃତ୍ୟୁକୁ ନେଇ ଏବେ ବିଭିନ୍ନ ମହଲରେ ପ୍ରଶ୍ନ ଉଙ୍କି ମାରିଛି । ମୃତକ ଜଣଙ୍କ ଆଠଗଡ଼ ତିଗିରିଆ ଅଞ୍ଚଳର ପ୍ରଭାକର ପରିଡା ବୋଲି ଜଣା ପଡିଛି ।
ଭଦ୍ରକରେ କାର୍ଯ୍ୟରତ ଡେପୁଟି ସୁବେଦାରଙ୍କ ମୃତ୍ୟୁ, ତର୍ଜମା ଜାରି
ସୂଚନା ଅନୁଯାୟୀ ଇଦ ଉଲ ଜୁହା ଡ୍ୟୁଟି ପାଇଁ ସେ ଭଦ୍ରକ ଆସିଥିଲେ । ସେ ଡ୍ୟୁଟି ସମୟରେ ନିଜ ଟିମ ସହ ରହିଥିଲେ । ହେଲେ ହଠାତ୍ ସେ ଛାତିରେ ଯନ୍ତ୍ରଣା ଅନୁଭବ କରିବା ସହ ତାଙ୍କର ବାନ୍ତି ଆରମ୍ଭ ହୋଇଥିଲା । ଏନେଇ ସହକର୍ମୀମାନେ ତାଙ୍କୁ ତୁରନ୍ତ ଭଦ୍ରକ ଜିଲ୍ଲା ମୁଖ୍ୟ ଡାକ୍ତରଖାନାକୁ ଆଣିଥିଲେ । ସେଠାରେ ମେଡ଼ିସିନ ୱାର୍ଡରେ ଚିକିତ୍ସାଧୀନ ଅବସ୍ଥାରେ ତାଙ୍କ ର ମୃତ୍ୟୁ ହୋଇଛି ।