କେନାଲରୁ ମୃତଦେହ ଉଦ୍ଧାର

ଭଦ୍ରକ ଜିଲ୍ଲା ତିହିଡି ବ୍ଲକର ଗୋପଳିଆ କେନାଲରୁ ଏକ ମୃତଦେହ ଉଦ୍ଧାର । ମୃତକ ଜଣକ ସ୍ଥାନୀୟ ମନ୍ଦାରମାଳ ଅଞ୍ଚଳର ଗୋବିନ୍ଦ ଜେନା ବୋଲି ଜଣାପଡିଛି । ଅଧିକ ପଢନ୍ତୁ...

ଭଦ୍ରକ: ତିହିଡି ବ୍ଲକର ଗୋପଳିଆ କେନାଲରୁ ଏକ ମୃତଦେହ ଉଦ୍ଧାର । ମୃତକ ଜଣକ ସ୍ଥାନୀୟ ମନ୍ଦାରମାଳ ଅଞ୍ଚଳର ଗୋବିନ୍ଦ ଜେନା ବୋଲି ଜଣାପଡିଛି ।

ଖବର ଅନୁଯାୟୀ, ଗୋପଳିଆ କେନାଲର ଧଳି ପୋଲ ନିକଟରେ ସ୍ଥାନୀୟ ଲୋକେ ଏକ ମୃତଦେହ ଭାସୁଥିବା ଦେଖିବାକୁ ପାଇଥିଲେ । ତାହା ସ୍ଥାନୀୟ ଅଞ୍ଚଳରେ ଦିନ ମଜୁରିଆ ଭାବେ କାମ କରୁଥିବା ଗୋବିନ୍ଦଙ୍କ ମୃତଦେହ ବୋଲି ଜଣାପଡ଼ିଥିଲା ।

ପରେ ତାଙ୍କ ମୃତଦେହକୁ ଉଦ୍ଧାର କରାଯିବା ସହ ପୋଲିସକୁ ସୂଚନା ଦେଇଥିଲେ ସ୍ଥାନୀୟ ଲୋକେ । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଅନ୍ୟପଟେ ଏନେଇ ଅଧିକ ତଦନ୍ତ ଜାରି ରଖିଥିବା ଜଣାପଡିଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ