ଭଦ୍ରକ: ପରିବେଶ ସନ୍ତୁଳନ ପାଇଁ ଜଙ୍ଗଲ ସୁରକ୍ଷାର ଆବଶ୍ୟକତା ରହିଛି । ଏହି ବାର୍ତ୍ତାକୁ ନେଇ ସୁଦୂର କୋଲକାତାରୁ ସାଇକେଲ ଯାତ୍ରା ଆରମ୍ଭ କରିଥିବା ବାପି ଦେବନାଥଙ୍କ ସାଇକେଲ ଶୁକ୍ରବାର ଭଦ୍ରକରେ ପହଞ୍ଚିଛି । ତେବେ ସେ ପରିବେଶ ସୁରକ୍ଷାର ପ୍ରଚାର ଓ ପ୍ରସାର କରିବା ସହ ସମାଜରେ ସଚେତନତା ସୃଷ୍ଟି କରିବା ପାଇଁ ଏହି ଯାତ୍ରା ଆରମ୍ଭ କରିଛନ୍ତି ।
ପରିବେଶ ସନ୍ତୁଳନ ପାଇଁ ଜଙ୍ଗଲର ସୁରକ୍ଷା ନିତାନ୍ତ ଆବଶ୍ୟକ । ଜଙ୍ଗଲ ସୃଷ୍ଟି କରିବାର ଆବଶ୍ୟକତା ରହିଛି । ଏନେଇ ପର୍ଯ୍ୟାପ୍ତ ପରିମାଣରେ ବୃକ୍ଷରୋପଣ କରିବା ଉଚିତ । କଳକାରଖାନାରୁ ନିର୍ଗତ ଧୂଆଁ ପରିବେଶକୁ ନଷ୍ଟ କରୁଥିବା ବେଳେ ଘରେ ଘରେ ଆଜି ମୋଟର ସାଇକେଲ ହେଲାଣି । ସେ ସବୁର ଧୂଆଁ ମଧ୍ୟ ପରିବେଶକୁ ନଷ୍ଟ କରୁଛି । ଜରୁରୀ ନଥିଲେ ବାଇକ ଅଥବା ଚାରି ଚକିଆ ଯାନ ବ୍ୟବହାର କରିବା ଉଚିତ ନୁହେଁ । ପ୍ରତିବଦଳରେ ସାଇକେଲ ହିଁ ସାହା ହେବାର ଉଚିତ । ଏହାଦ୍ବାରା ବିନା ଖର୍ଚ୍ଚରେ କାମ ହେବା ସହିତ ପରିବେଶକୁ ଟିକିଏ ଆଶ୍ୱସ୍ଥି ମିଳିପାରନ୍ତା ବୋଲି ଦେବନାଥ ସଚେତନତା ସୃଷ୍ଟି କରୁଛନ୍ତି ।