ଭଦ୍ରକ: ଏକ ଘରୋଇ କଷ୍ଟ୍ରକ୍ସନ କମ୍ପାନୀର କର୍ମଚାରୀଙ୍କୁ କାର୍ଯ୍ୟ ବନ୍ଦ କରିବା ପାଇଁ ଧମକ ଦେବା ଅଭିଯୋଗରେ ପୋଲିସ ଜଣକୁ ଗିରଫ କରି କୋର୍ଟ ଚାଲାଣ କରିଥିବାର ଜଣାପଡ଼ିଛି ।
ସୂଚନା ଅନୁଯାୟୀ, ଚଣ୍ଡିିଖୋଲ-ଭଦ୍ରକ ରାସ୍ତା ପ୍ରଶସ୍ତିକରଣ ନିମନ୍ତେ ନିୟୋଜିତ ହୋଇଥିବା ଦିଲୀପ ବିଲଡକନ୍ ଲିମିଟେଡ଼ ନାମରେ ଏକ ଘରୋଇ ସଂସ୍ଥା ଭଦ୍ରକ ଜିଲ୍ଲା ବନ୍ତ ତହସିଲଦାରଙ୍କ ଅର୍ଡ଼ର ନଂ ୨୪/୨୦-୨୧ ତା. ୦୬/୧୦/୨୦୨୦ ଅନୁଯାୟୀ ଖଣିଜ ସଂପଦ ସଂଗ୍ରହ ନିମନ୍ତେ ଆଗରପଡ଼ା ନିକଟସ୍ଥ ରାମପୁର କେନାଲ ରାସ୍ତାକୁ ନିର୍ମାଣ କରୁଥିଲେ ।
କାମ ବନ୍ଦ ପାଇଁ କଷ୍ଟ୍ରକସନ କମ୍ପାନୀର କର୍ମଚାରୀଙ୍କୁ ଧମକ, ଅଭିଯୁକ୍ତ ଗିରଫ
ଅଭିଯୋଗ ଅନୁଯାୟୀ ଗତ ମାସ ୧୦ ତାରିଖ ଦିନ ଉକ୍ତ କମ୍ପାନୀର କର୍ମଚାରୀମାନେ କେନାଲ ରାସ୍ତା ନିର୍ମାଣ କରୁଥିବା ବେଳେ କିଛି ଅଜଣା ବ୍ୟକ୍ତି ମୋଟରସାଇକଲରେ ଉକ୍ତ ସ୍ଥାନରେ ପହଞ୍ଚି କାର୍ଯ୍ୟରତ କର୍ମଚାରୀଙ୍କୁ କାର୍ଯ୍ୟ ବନ୍ଦ କରିବା ପାଇଁ ଧମକ୍ ଦେବା ସହ ସେମାନଙ୍କର ଜିନିଷପତ୍ରକୁ ଫିଙ୍ଗା ଫୋପଡ଼ା କରିଥିଲେ ଏବଂ ବ୍ୟବହୃତ ମୋବାଇଲକୁ ଛଡ଼ାଇ ନେଇଥିଲେ ।