ଭଦ୍ରକ: ଅଧାରେ ଅଟକିଛି ବାଂଶଡ଼ା ସେତୁ । ନିର୍ମାଣାଧୀନ ସେତୁର କାର୍ଯ୍ୟାଦେଶ ଶେଷ ହୋଇପାରୁନଥିବାରୁ ଏହାର ପ୍ରତିବାଦ କରି କଂଗ୍ରେସ ଦଳ ପକ୍ଷରୁ ଶୁକ୍ରବାର ରେଳ ରୋକ କରାଯାଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ମନ୍ତେଇ ନଦୀ ଉପରେ ବାଂଶଡ଼ା ସେତୁ ପାଇଁ ଟେଣ୍ଡର ହେବା ପରେ ପୋଲ କାର୍ଯ୍ୟ ଆରମ୍ଭ ହୋଇଥିଲା । ହେଲେ ଦୀର୍ଘ ଦିନ ହେବ ବାଂଶଡ଼ା ସେତୁ ବିଭିନ୍ନ ପ୍ରତିବନ୍ଧକ କାରଣରୁ ଏଯାଏ କାର୍ଯ୍ୟ ଶେଷ ହୋଇପାରୁନାହିଁ । ତେବେ ସେତୁର କାର୍ଯ୍ୟାଦେଶ ଶେଷ କରିବା ପାଇଁ ବହୁବାର ବିଭାଗୀୟ ଅଧିକାରୀଙ୍କ ଠାରୁ ଆରମ୍ଭ କରି ଜିଲ୍ଲା ପ୍ରଶାସନ ଏବଂ ସ୍ଥାନୀୟ ବିଧାୟକଙ୍କୁ ସ୍ଥାନୀୟବାସୀ ଅବଗତ କରିଥିଲେ । ହେଲେ କୌଣସି ସୁଫଳ ମିଳିନଥିବାରୁ ଏହାର ପ୍ରତିବାଦ ସ୍ବରୂପ କଂଗ୍ରେସ ଦଳ ପ୍ରତିବାଦ କରିଥିଲା ।