ଭଦ୍ରକ : କୋରୋନା ଆକ୍ରାନ୍ତଙ୍କ ଶବଦାହକୁ ନେଇ ଉତ୍ତେଜନା। ରାଜପଥ ଅବରୋଧ କଲେ ପ୍ରତିବାଦକାରୀ। ଭଦ୍ରକରେ ପ୍ରାଣ ହରାଇଥିବା କେନ୍ଦୁଆପଦା ଅଞ୍ଚଳର ଜଣେ କୋରୋନା ଆକ୍ରାନ୍ତଙ୍କ ଶବଦାହ କରିବାକୁ ଯାଇ ଭଦ୍ରକ ପ୍ରଶାସନକୁ ନାକେଦମ ହେବାକୁ ପଡିଛି। ଶବ ଦାହକୁ ବିରୋଧ କରି 16 ନଂ ଜାତୀୟ ରାଜପଥକୁ ଭଣ୍ଡାରିପୋଖରୀ ବ୍ଲକ ବିଷ୍ଣୁପୁର ପଞ୍ଚାୟତବାସୀ ଅବରୋଧ କରିଥିଲେ । ଫଳରେ ଯାନବାହନ ଚଳାଚଳ ବାଧାପ୍ରାପ୍ତ ହୋଇଥିଲା।
କୋରୋନା ଭୟ; ଶବଦାହ ନକରିବାକୁ ଗ୍ରାମବାସୀଙ୍କ ରାସ୍ତାରୋକ
ଜଣେ ବ୍ୟକ୍ତିଙ୍କର ସୋମବାର ଅପରାହ୍ନରେ କୋରୋନାରେ ଆକ୍ରାନ୍ତ ହୋଇ ମୃତ୍ୟୁ ହୋଇଥିଲା । ଉକ୍ତ ବ୍ୟକ୍ତିଙ୍କ ମୃତଦେହକୁ ବ୍ଲକର ବିଷ୍ଣୁପୁର ପଞ୍ଚାୟତର ଆଦମପୁର ଗାଁରେ ନୂତନ ଭାବେ କରାଯାଇଥିବା ଶବଦାହ କେନ୍ଦ୍ରରେ ସତ୍କାର କରିବାକୁ ଅଣାଯାଇଥିଲା । ଭଦ୍ରକ ତହସିଲଦାରଙ୍କ ନିର୍ଦ୍ଦେଶକ୍ରମେ ଭଦ୍ରକ ପୌର କର୍ମଚାରୀଙ୍କ ସହାୟତାରେ ମୃତଦେହ ଅଣାଯାଇଥିଲା ।