ଭଦ୍ରକ:ଲଘୁଚାପ ଜନିତ ବର୍ଷା ଯୋଗୁଁ ଅନେକ ଅଞ୍ଚଳରେ ବନ୍ୟା ସ୍ଥିତି ଦେଖାଦେଇଛି । ତେବେ ପୁନଃ ଆଉ ଅକ ଲଘୁଚାପ ସୃଷ୍ଟି ହେବା କାରଣରୁ ବନ୍ୟା ପରିସ୍ଥିତି ସୃଷ୍ଟି ହେବାର ଆଶଙ୍କା ଦେଖାଦେଇଛି । ଏହି କ୍ରମେ ବୈତରଣୀରେ ମଧ୍ୟ ବନ୍ୟା ପରିସ୍ଥିତି ଦେଖାଦେଇଥିଲା । ଏପରି ସ୍ଥଳେ ଶନିବାର ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ବୈମକେଶ ରାୟଙ୍କ ନେତୃତ୍ୱରେ ବିଜେଡି ବିଧାୟକ ଓ ସାଂସଦ ମିଳିତ ଭାବେ ଧାମନଗର ବନ୍ୟାଞ୍ଚଳ ଗସ୍ତ କରିବା ସହିତ ବୈତରଣୀ ନଦୀର ଏସକେପ ଗୁଡିକର ସ୍ଥିତି ବୁଲି ଦେଖିଛନ୍ତି ।
ଉଚ୍ଚ ସ୍ତରୀୟ ବୈଷୟକ ଟିମ ଗସ୍ତ ପୂର୍ବରୁ ଯୋଜନା ବୋର୍ଡ ଅଧକ୍ଷଙ୍କ ନେତୃତ୍ବରେ ଏହି ସ୍ଵତନ୍ତ୍ର ଟିମ ଗସ୍ତ କରିଥିଲେ।ଏହି ଟିମ ପ୍ରଥମେ ବୈତରଣୀ ନଦୀର ମଲି ମାହାରା ଏସକେପ ଏବଂ ପରେ ଗୌରାଙ୍ଗ ପୁର ଏସକେପ ବୁଲି ଦେଖିଥିଲେ। ତେବେ ଚଳିତ ବର୍ଷ ବୈତରଣୀ ନଦୀରେ ଆସିଥିବା ବନ୍ୟାରେ କିପରି ଏହି ଏସକେପ ଦେଇ ବନ୍ୟା ଜଳ ପ୍ରବାହିତ ହୋଇଥିଲା ଓ ବ୍ୟାପକ ଅଞ୍ଚଳ ଜଳମଗ୍ନ ହୋଇଥିଲା ସେ ବିଷୟରେ ସ୍ଥାନୀୟଲୋକଙ୍କ ଠାରୁ ପଚାରି ବୁଝିବା ସହିତ ଏସକେପ ଗୁଡିକର ବାସ୍ତବ ସ୍ଥିତି ଦେଖିଥିଲେ।