ଭଦ୍ରକ: ମର୍ମନ୍ତୁଦ ଦୁର୍ଘଟଣାରେ ବିଏସଏଫ ଯବାନଙ୍କ ମୃତ୍ୟୁ । ଛୁଟିରେ ଆସି ସ୍ଥାନୀୟ ବଜାରକୁ ଯାଇଥିଲେ । ସେଠାରୁ ଚାଲିଚାଲି ଫେରୁଥିବା ବେଳେ ଘଟିଲା ଅଘଟଣ । ଏଭଳି ଦୁଃଖଦ ଖବର ଆସିଛି ଭଦ୍ରକ ଜିଲ୍ଲା ଚାନ୍ଦବାଲି ଥାନା ଅନ୍ତର୍ଗତ ନାଲଗୁଣ୍ଡା ପଞ୍ଚାୟତ ନାଲଗୁଣ୍ଡା ପଛପଡା ସାହିରୁ ।
ଛୁଟିରେ ଆସିଥିବା BSF ଯବାନଙ୍କ ଦୁର୍ଘଟଣାରେ ମୃତ୍ୟୁ
ମୃତକ ହେଉଛନ୍ତି ସେହି ଗାଁର ବାଇଧର ବାରିକଙ୍କ ପୁଅ ଶିବାଜୀ ବାରିକ । ବୟସ ମାତ୍ର 27 ବର୍ଷ । ଗତ 2 ବର୍ଷ ତଳେ ବିଏସଏଫରେ ଯବାନ ଭାବେ ଯୋଗଦେଇ ଦେଶ ମାତୃକାର ସେବା କରୁଥିଲେ ଏବଂ କିଛିଦିନ ତଳେ ଘରକୁ ଆସିଥିଲେ । ଆଜି (ଗୁରୁବାର) ଭଦ୍ରକ-ଚାନ୍ଦବାଲି ରାଜ୍ୟ ରାଜପଥ ରାସ୍ତାରେ ସେ ଚାଲିଚାଲି ଖେରଙ୍ଗ ଆସି ନାଲଗୁଣ୍ଡା ଫେରୁଥିବା ବେଳେ, ପଛପଟୁ ଏକ କାର ଧକ୍କା ଦେଇଥିଲା । ପରେ ମୁର୍ମୂଷୁ ଅବସ୍ଥାରେ ତାଙ୍କୁ ଚାନ୍ଦବାଲି ମେଡିକାଲରେ ଭର୍ତ୍ତି କରାଯାଇଥିଲା । ହେଲେ ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଛନ୍ତି ।