ଖୁଦୁରୁକୁଣୀ ପୂଜାରେ ଅଘଟଣ, ବିଦ୍ୟୁତ ସଂସ୍ପର୍ଶରେ ଆସି ନାବାଳକ ମୃତ

ଖୁଦୁରୁକୁଣୀ ପୂଜା ବେଳେ ଅଘଟଣ । ବିଦ୍ୟୁତ ଆଘାତରେ ଜଣେ ନାବାଳକର ମୃତ୍ୟୁ ହୋଇଛି । ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ପଦ୍ମପୁର କାଁଥି ସାହିରେ ଖୁଦୁରୁକୁଣୀ ପୂଜା ବେଳେ ଏହି ଅଘଟଣ ଘଟିଛି ।

ଭଦ୍ରକ: ଖୁଦୁରୁକୁଣୀ ପୂଜା ବେଳେ ଅଘଟଣ । ବିଦ୍ୟୁତ ଆଘାତରେ ଜଣେ ନାବାଳକର ମୃତ୍ୟୁ ହୋଇଛି । ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ପଦ୍ମପୁର କାଁଥି ସାହିରେ ଖୁଦୁରୁକୁଣୀ ପୂଜା ବେଳେ ଏହି ଅଘଟଣ ଘଟିଛି । ମୃତକ ହେଲେ ସେହି ଗାଁର ବିନୋଦ ନାୟକଙ୍କ ପୁଅ ଦୀପକ ନାୟକ ।

ସୂଚନା ଅନୁଯାୟୀ, ଘର ପାଖରେ ଥିବା ଖୁଦୁରୁକୁଣୀ ପୂଜାରେ ବାଜୁଥିବା ମାଇକର ମେସିନଟି ଚାର୍ଜ ହୋଇଯାଇଥିଲା । ଦୀପକ ଜାଣିନପାରି ମେସିନକୁ ଧରି ନେବାରୁ ବିଦ୍ୟୁତ ସଂସ୍ପର୍ଶରେ ଆସି ସଂଜ୍ଞାହୀନ ଅବସ୍ଥାରେ ତଳେ ପଡିଯାଇଥିଲେ ।

ପରିବାର ଲୋକ ଦୀପକକୁ ଉଦ୍ଧାର କରି ପ୍ରଥମେ ମେଡିକାଲକୁ ନେଇଥିଲେ । ହେଲେ ତାର ଅବସ୍ଥା ଗୁରୁତର ହେବାରୁ କଟକ ମେଡିକାଲ ନେବା ରାସ୍ତାରେ ମୃତ୍ୟୁ ଘଟିଥିଲା । ଦୀପକର ମୃତ୍ୟୁରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ