ଦୋକାନ ଉପରକୁ ବୋମାମାଡ, ତଦନ୍ତ ଜାରି

ଭଦ୍ରକ ଜିଲ୍ଲା ଚାନ୍ଦବାଲି ଥାନା ପଞ୍ଚପଡ଼ା ଅଞ୍ଚଳର ଏକ ଦୋକାନ ଉପରକୁ ବୋମାମାଡ଼ କରାଯାଇଥିବା ଜଣାପଡିଛି । ଏହି ଘଟଣାର ପ୍ରକୃତ କାରଣ ଜଣାପଡିନାହିଁ ।

ଭଦ୍ରକ: ଦୋକାନ ଉପରକୁ ବୋମାମାଡ । ଭଦ୍ରକ ଜିଲ୍ଲା ଚାନ୍ଦବାଲି ଥାନା ପଞ୍ଚପଡ଼ା ଅଞ୍ଚଳର ଏକ ଦୋକାନ ଉପରକୁ ବୋମାମାଡ଼ କରାଯାଇଥିବା ଜଣାପଡିଛି । ଏହି ଘଟଣାର ପ୍ରକୃତ କାରଣ ଜଣାପଡିନାହିଁ ।

ସୂଚନା ମୁତାବକ, ବୋମା ମାଡରେ ଦୋକାନର କବାଟ ଭାଙ୍ଗି ଯାଇଥିବା ବେଳେ ପାଖ ଘରର ଆଜବେଷ୍ଟ ଓ ବାଇକ ମଧ୍ୟ ଭାଙ୍ଗି ଯାଇଛି । ଖବର ପାଇ ଚାନ୍ଦବାଲି ପୋଲିସ ପହଞ୍ଚି କିଛି ସୁତୁଲି ଜବତ କରିବା ସହ ତଦନ୍ତ ଜାରି ରଖିଛି ।

ପୂର୍ବ ଶତ୍ରୁତାକୁ କେନ୍ଦ୍ର କରି କି ଅନ୍ୟ କୌଣସି କାରଣରୁ ଏହିପରି ଘଟଣା ଘଟିଛି ବୋଲି ସନ୍ଦେହ କରାଯାଉଛି । ଏହି ଘଟଣାରେ କୌଣସି ଜନଜୀବନ ହାନି ହୋଇନଥିବା ଜଣାପଡିଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ