ଭଦ୍ରକ:ପୁଣି କଳା ପଲସର ଆତଙ୍କ । ରାସ୍ତାରେ ଯାଉଥିବା ଶିକ୍ଷୟତ୍ରୀଙ୍କୁ ଆକ୍ରମଣ କରି ନଗଦ ଟଙ୍କା ଓ ସୁନା ହାର ଲୁଟି ନେଲେ ଲୁଟେରା । ଏଭଳି ଘଟଣା ଘଟିଛି ଭଦ୍ରକ- ଚାନ୍ଦବାଲି ରାଜପଥ ବୁଡ଼ଙ୍ଗ ହଳଧରବିନ୍ଧା ନିକଟରେ । ସୁନା ଦେକାନରୁ ଫେରିବା ବାଟରେ ଦୁର୍ବୃତ୍ତଙ୍କ ଶିକାର ହୋଇଥିଲେ ଶିକ୍ଷୟିତ୍ରୀ।
ଭଦ୍ରକରେ ପୁଣି କଳା ପଲସର ଆତଙ୍କ,ମହିଳାଙ୍କଠାରୁ ଲୁଟିନେଲେ ସୁନା ଓ ଟଙ୍କା
ଭଦ୍ରକ ବ୍ଲକ କେଶପୁର ଗାଁର କୃତିବାସ ଜେନାଙ୍କ ଧର୍ମପତ୍ନୀ ଭାର୍ଗଭି ଜେନା ତାଙ୍କ ପୁଅ ସହିତ ତିହିଡ଼ିରୁ ଏକ ବାଇକ ଯୋଗେ ଘରକୁ ଫେରୁଥିଲେ। ଘରକୁ ଫେରିବା ବେଳେ ଏକ କଳା ପଲସରରେ ଆସୁଥିବା 2 ଜଣ ଲୁଟେରାଙ୍କ ଶିକାର ହୋଇଥିଲେ । ଦୁର୍ବୃତ୍ତମାନେ ମହିଳାଙ୍କୁ ମାଡ଼ ଓ ଗୋଇଠା ମାରି ତାଙ୍କ ଭ୍ୟାନିଟି ବ୍ୟାଗକୁ ବଳପୂର୍ବକ ଛଡେଇ ନେଇଥିଲେ ଏବଂ ଘଟଣାସ୍ଥଳରୁ ଅତି କ୍ଷିପ୍ର ବେଗରେ ଫେରାର ହୋଇ ଯାଇଥିଲେ । ତିହିଡ଼ିର ଏକ ସୁନା ଦୋକାନରୁ 50 ହଜାର ଟଙ୍କାର ଏକ ସୁନା ହାର କିଣି ଘରକୁ ଫେରୁଥିଲେ ମହିଳା ଜଣକ ।