ଭଦ୍ରକ:ରାଜ୍ୟ ବିଜେପି ସଭାପତି ସମୀର ମହାନ୍ତି ଆଜି ଭଦ୍ରକ ଜିଲ୍ଲା ଗସ୍ତ କରିଛନ୍ତି । ଏହି ପ୍ରରିପେକ୍ଷୀରେ ସେ ଭଦ୍ରକରେ ପହଞ୍ଚି ତିହିଡି ବ୍ଲକ କୁବେରା ପଞ୍ଚାୟତରେ ପ୍ରଧାନମନ୍ତ୍ରୀ ଆବାସ ଯୋଜନାରେ ହୋଇଥିବା ଦୁର୍ନୀତିର ତଦାରଖ କରିଥିଲେ । ସମୀରଙ୍କ ନେତୃତ୍ବରେ ଏକ ରାଜ୍ୟ ବିଜେପି ଟିମ ମଧ୍ୟ ଘଟଣାସ୍ଥଳ ପରଦର୍ଶନ କରିବା ଆବାସ ଯୋଜନାରୁ ବଞ୍ଚିତ ହୋଇଥିବା ଯୋଗ୍ୟ ହିତାଧିକାରୀଙ୍କ ସହ ଆଲୋଚନା କରିଥିବା ଜଣାପଡିଛି ।
ଭଦ୍ରକରେ ବିଜେପି ରାଜ୍ୟ ସଭାପତି ସମୀର ମହାନ୍ତି, PMAY ଅନିୟମିତତା ନେଇ ରାଜ୍ୟ ସରକାରକୁ କଲେ ଟାର୍ଗେଟ
ସମୀର କହିଛନ୍ତି, ଆବାସ ଯୋଜନାରେ ବ୍ୟାପକ ପାତର ଅନ୍ତର କରାଯାଇଛି । ପ୍ରକୃତ ହିତାଧିକାରୀଙ୍କୁ ଏହି ଯୋଜନାରେ ସାମିଲ କରାଯାଇ ନ ଥିବାବେଳେ, ଅଯୋଗ୍ୟ ଲୋକଙ୍କୁ ଏହି ଯୋଜନାରେ ସାମିଲ କରାଯିବା ଅତ୍ୟନ୍ତ ଦୁର୍ଭାଗ୍ୟଜନକ ଘଟଣା। ଏଥିପାଇଁ ଆନ୍ଦୋଳନ କି ଅଭିଯୋଗ କରିଲେ ତାଙ୍କୁ ଜେଲ ପଠାଇବା ଘଟଣା ଅତ୍ୟନ୍ତ ନିନ୍ଦନୀୟ । ଏହି ଘଟଣା ଉପରେ ପ୍ରକୃତ ତଦନ୍ତ କରି ପଦକ୍ଷେପ ନେବା ପାଇଁ ରାଜ୍ୟ ବିଜେପି ସଭାପତି କହିଥିଲେ।