ଭଦ୍ରକ: ରାଜ୍ୟ ଓ ଜିଲ୍ଲାର ତିନି ଗୋଟି ସମସ୍ୟାକୁ ନେଇ ବିଜେପି ରାଜ୍ୟ ସାଧାରଣ ସମ୍ପାଦକ ଗୋଲକ ମହାପାତ୍ରଙ୍କ ସାମ୍ବାଦିକ ସମ୍ମିଳନୀ । ଭଦ୍ରକ ଜିଲ୍ଲା ବିଜେପି କାର୍ଯ୍ୟାଳୟ ଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ବିଜେପି ରାଜ୍ୟ ଓ ଜିଲ୍ଲାର 3ଟି ବିଷୟ ଉପସ୍ଥାପନ କରିଛି।
ବିଜେପି ଆରମ୍ଭ କରିବ ମଣ୍ଡି ଚାଲ ଅଭିଯାନ ଓ ପରୀ ପାଇଁ ନାୟ ପଦଯାତ୍ରା
ପ୍ରଥମ ମୁଦ୍ଦାରେ କୃଷକଙ୍କ ପାଇଁ 3 ଟି ବିଲ ସଂଶୋଧନ ପ୍ରସ୍ତାବ ଆଣିଛନ୍ତି କେନ୍ଦ୍ର ସରକାର । ଯେଉଁଥିରେ କୃଷକ ଲାଭବାନ ହେବେ ବୋଲି କହିଛି ବିଜେପି। କଂଗ୍ରେସ ଶାସନ ସମୟରେ ଧାନର ମୂଲ୍ୟ 1310 ଟଙ୍କା ଥିବାବେଳେ 1868 ଟଙ୍କା ବିଜେପି ଅମଳରେ ହୋଇଛି। କିନ୍ତୁ ଧାନର ସହାୟକ ମୂଲ୍ୟ, ମଣ୍ଡିରେ କାହିଁକି ପାଉନାହାଁନ୍ତି ଓଡିଶା ଚାଷୀ ବୋଲି ପ୍ରଶ୍ନ କରିଛି ବିଜେପି।
ଅନ୍ୟପଟେ ମିଲରଙ୍କ ପାଇଁ ଧାନର ରେଟ କମୁଛି ବୋଲି କହିଛି ଦଳ। ବିଜେପିର ଯୋଜନା କୃଷକଙ୍କ ପାଖରେ ପହଞ୍ଚି ସଚେତନ କରିବା । ସେଥିପାଇଁ ଆଗାମୀ 10 ଦିନ ମଧ୍ୟରେ ମଣ୍ଡି ଚାଲ ଅଭିଯାନ ବିଜେପି ଆରମ୍ଭ କରିବ। ଚାଷୀଙ୍କୁ ନେଇ କୃଷକ ପଞ୍ଚାୟତ କରିବ ଓ ଲିଫଲେଟ ମାଧ୍ୟମରେ ସଚେତନ କରିବ।