ଭଦ୍ରକ: ତେଜିବାରେ ଲାଗିଛି ଜଣେ ପୋଲିସ ଏଏସଆଇଙ୍କୁ ଚାନ୍ଦବାଲି ବିଧାୟକ ଧମକ ଦେଇଥିବା ଘଟଣା । ଏହି ପ୍ରସଙ୍ଗରେ ମୁଖ୍ୟମନ୍ତ୍ରୀ ବିଧାୟକଙ୍କୁ ବରଖାସ୍ତ କରିବା ପାଇଁ ବିଜେପି ପକ୍ଷରୁ ଦାବି କରାଯାଇଛି। ନହେଲେ ବିଜେପି ରାଜରାସ୍ତାକୁ ଓହ୍ଲାଇବ ବୋଲି ଆଜି ଦଳ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ଚେତାବନୀ ଦିଆଯାଇଛି।
ଚାନ୍ଦବାଲି ବିଧାୟକଙ୍କୁ ବରଖାସ୍ତ ଦାବି
ଆଜି(ବୁଧବାର) ବିଧାନସଭାରେ ଏହି ପ୍ରସଙ୍ଗ ଉଠିଥିବାବେଳେ ଏହାର ତାତି ମଧ୍ୟ ଭଦ୍ରକରେ ଦେଖିବାକୁ ମିଳିଛି। ଏନେଇ ଦଳର ଜିଲ୍ଲା କାର୍ଯ୍ୟାଳୟରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଖବର ଅନୁଯାୟୀ, ବାଂଶଡା ଥାନାର କାର୍ଯ୍ୟରତ ଏଏସଆଇ ଗୁରୁଚରଣ ବେହେରାଙ୍କୁ, ଚାନ୍ଦବାଲି ବିଧାୟକ ବ୍ୟୋମକେଶ ରାୟ ତାଙ୍କ ନିର୍ଦ୍ଦେଶରେ କାର୍ଯ୍ୟ କରିବା ପାଇଁ କହିଥିବା ବିଜେପି ପକ୍ଷରୁ ଅଭିଯୋଗ ହୋଇଛି ।