ଭୁବନେଶ୍ବର: ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ (ସିଇଓ) ଙ୍କୁ ଭେଟିଲା ବିଜେପି ପ୍ରତିନିଧି ମଣ୍ଡଳୀ । ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତ ସିଂହାରଙ୍କ ନେତୃତ୍ୱରେ ବିଜେପି ପ୍ରତିନିଧି ମଣ୍ଡଳୀ ଧାମନଗର ନିର୍ବାଚନ ମଣ୍ଡଳର ସମ୍ବେଦନଶୀଳ ବୁଥ ତାଲିକା ସିଇଓଙ୍କୁ ପ୍ରଦାନ କରିଛି ।
ଦଳ ପକ୍ଷରୁ 26 ଟି ଅତି ସମ୍ବେଦନଶୀଳ ଏବଂ 87 ଟି ସମ୍ବେଦନଶୀଳ ବୁଥର ତାଲିକା ସିଇଓଙ୍କୁ ଦିଆଯାଇଛି । ଏହି ସବୁ ବୁଥ ଗୁଡିକରେ ସିସିଟିଭି ସର୍ଭିଲାନ୍ସ ମାଧ୍ୟମରେ ଭୋଟ ଗ୍ରହଣ ସହ ସୁରକ୍ଷା ବ୍ୟବସ୍ଥା କୁ କଡାକଡି କରିବାକୁ ସିଇଓଙ୍କ ନିକଟରେ ଦାବି କରିଛି ବିଜେପି ।