ଭଦ୍ରକ: ଓଡିଶା-ପଶ୍ଚିମବଙ୍ଗ ସୀମାନ୍ତ ଅଞ୍ଚଳରୁ ଏକ ବାଇକ ଲୁଟେରା ଗ୍ୟାଙ୍ଗକୁ ଧରିଲା ଭଦ୍ରକ ଟାଉନ ଥାନା ପୋଲିସ । 11ଟି ଚୋରା ବାଇକ ଜବତ ହେବା ସହ ତିନି ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ପୋଲିସ ସୂଚନା ଦେଇଛି ।
ପୋଲିସ ହାତରେ ବାଇକ ଲୁଟେରା, 3 ଗିରଫ
ଭଦ୍ରକ ସହରରେ ବାଇକ ଚୋରି ହେଉଥିବାର ବାରମ୍ବାର ଥାନାରେ ଅଭିଯୋଗ ଆସୁଥିଲା । ଏହି ଅଭିଯୋଗ ଆଧାରରେ ଭଦ୍ରକ ଟାଉନ ପୋଲିସ ତଦନ୍ତ ଆରମ୍ଭ କରିଥିଲା । ତଦନ୍ତ ସମୟରେ ଏହି ଗ୍ୟାଙ୍ଗ ସମ୍ପର୍କରେ ସୁରାକ ମିଳିଥିଲା । ପରେ ଏହି ବାଇକ ଚୋରଙ୍କୁ ଧରିବା ପାଇଁ ଏକ ସ୍ୱତନ୍ତ୍ର ଟିମ ଗଠନ କରିଥିଲା ପୋଲିସ । ଫଳସୂରୁପ, ଏହି ଚୋର ଗ୍ୟାଙ୍ଗକୁ ଓଡିଶାା-ପଶ୍ଚିମବଙ୍ଗ ସୀମାନ୍ତ ଅଞ୍ଚଳରୁ ଧରିବାରେ ସଫଳ ହୋଇଛି ଟାଉନ ପୋଲିସ ।