ଭଦ୍ରକ: ଜିଲ୍ଲାର ପୌରାଞ୍ଚଳ ଅନ୍ତର୍ଗତ ଛଡାକମହଲା ଅଞ୍ଚଳର 67 ବର୍ଷୀୟ ଗୁଲାମ୍ ଶେଖ୍ ରସୁଲ ଫାଇଲେରିଆ ରୋଗରେ ପୀଡିତ ହୋଇ ଦୀର୍ଘ ଦିନ ଧରି କଷ୍ଟ ଭୋଗୁଛନ୍ତି । ଏଭଳି ଶାରିରୀକ ଯନ୍ତ୍ରଣା ଭିତରେ ଟ୍ରଲି ଚଳାଇ ନିଜ ପରିବାରର ପ୍ରତିପୋଷଣ ତାଙ୍କ ପକ୍ଷେ କଷ୍ଟକର ହୋଇ ପଡିଛି । ଗୋଟିଏପଟେ ପରିବାର ଓ ଅନ୍ୟପଟେ ଫାଇଲେରିଆ ଯନ୍ତ୍ରଣା ଭିତେର ପେଶୀ ହେଉଛନ୍ତି ଗୁଲାମ୍ ଶେଖ୍ । ଆଉ ଏପରି ସ୍ଥିତିରେ ପରିବାର ପାଇଁ ଦୂତ ସାଜିଛନ୍ତି ଜିଲ୍ଲାର ସ୍ବେଚ୍ଛାସେବୀ ସଙ୍ଗଠନ । ଯିଏ ଗୁଲାମଙ୍କୁ ଆର୍ଥିକ ସହାୟତା ଯୋଗାଇବା ସହ ଆଗାମୀ ଦିନରେ ମଧ୍ୟ ଆବଶ୍ୟକୀୟ ସମସ୍ତ ସାହାଯ୍ୟ ଯୋଗାଇବା ପାଇଁ ପ୍ରକାଶ କରିଛି ।
ତେବେ ଗରିବୀର କଷାଘାତରେ ଜର୍ଜରିତ ଗୁଲାମଙ୍କ ପାଇଁ ପେଟପାଟଣାର ଏକମାତ୍ର ମାଧ୍ୟମ ହେଉଛି ଟ୍ରଲି ଚାଳନା ହେଲେ ଫାଇଲେରିଆ ରୋଗ କାରଣରୁ ଏବେ ଟ୍ରଲି ଚଳାଇବାରେ କଷ୍ଟ ଅନୁଭବ କରୁଛନ୍ତି ସେ । ସେପଟେ ପୁଣି କୋରୋନା ମହାମାରୀ ପାଇଁ ଏବେ ଜୀବିକାରେ ଲାଗିଛି ଲଗାମ । ଏମିତିରେ ପରିବାର ପ୍ରତିପୋଷଣ କଷ୍ଟ ସାଧ୍ୟ ହୋଇ ପଡିଥିବା ବେଳେ ରୋଗ ଚିକିତ୍ସା କଥା କିଏ ବା ପଚାରେ । କିନ୍ତୁ ଗୁଲାମଙ୍କ ସମ୍ପର୍କରେ ଜାଣିବା ପରେ ସାହାଯ୍ୟ ପାଇଁ ଆଗେଇ ଆସିଛି ଜିଲ୍ଲାର ସ୍ବେଚ୍ଛାସେବୀ ସଙ୍ଗଠନ ।