ଭଦ୍ରକ: ଡକାୟତ ଉଦ୍ୟମ କରୁଥିବା ବେଳେ ଡକାୟତ ଓ ପୋଲିସ ଗୁଳି ବିନିମୟ । ପୋଲିସ ଏନକାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ ବାପି ପାଣି ଗୁରୁତର ଓ ତାର ସହଯୋଗୀ ଓମପ୍ରକାଶ ମହାଳିକ ଥାନାରେ ଅଟକ ।
ଭଦ୍ରକରେ ପୋଲିସ ଏନକାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ବାପି ଆହତ
ଆଜି(ଶନିବାର) ଭଦ୍ରକ ଗ୍ରାମାଞ୍ଚଳ ଥାନା ଅଧିନସ୍ଥ ଚଢ଼େୟା ଅଞ୍ଚଳରେ ଏହି ଦୁଇ ଅପରାଧୀ ଏକ ମଟରସାଇକେଲରେ ବନ୍ଧୁକ ଧରି ଡକାୟତି ପାଇଁ ଯାଉଥିବା ବେଳେ ଖବର ପାଇ ଭଦ୍ରକ ଗ୍ରାମାଞ୍ଚଳ ଥାନା ଅଧିକାରୀଙ୍କ ସମେତ ତାଙ୍କ ଟିମ ଘଟଣା ସ୍ଥଳରେ ପହଞ୍ଚିଥିଲେ ।ତେବେ ପୋଲିସ ଏହି ଦୁଇ ଜଣକକୁ ଅଟକାଇବା ପାଇଁ ଉଦ୍ୟମ କରୁଥିବା ବେଳେ ଏହି ଦୁଇ ଡକାୟତ ପୋଲିସ ଦେଖି ପୋଲିସ ଉପରକୁ ଗୁଳି ଚାଳନା କରିଥିଲେ । ତେଣୁ, ପୋଲିସ ବାଧ୍ୟ ହୋଇ ନିଜ ଆତ୍ମାରକ୍ଷା କରିବା ପାଇଁ ପାଲଟା 3 ରାଉଣ୍ଡ ଗୁଳି ଅପରାଧୀଙ୍କ ଉପରକୁ ଚଳାଇଥିଲା । ଫଳରେ ବାପି ପାଣିଙ୍କ ଦୁଇ ଗୋଡ଼ରେ 3ଟି ଗୁଳି ବାଜିଛି । ତେଣୁ ତାଙ୍କୁ ଗୁରୁତର ଭାବେ ଭଦ୍ରକ ଚିକିତ୍ସାଳୟରେ ଭର୍ତ୍ତି କରାଯାଇଛି । ତାଙ୍କ ନିକଟରୁ ବନ୍ଧୁକ ଜବତ କରିଛି ପୋଲିସ ।