ଭଦ୍ରକ: କୋରୋନା କାଳରେ ନିଜ ଜୀବନକୁ ଖାତିର ନକରି ଜିଲ୍ଲାରେ ସୁଇପରମାନେ ସେବା ଯୋଗାଇ ଆସୁଥିଲେ ମଧ୍ୟ ସେମାନଙ୍କୁ ଇପିଏଫ ଓ ଇଏସଆଇ ବାବଦକୁ କିଛି ଅର୍ଥ ମିଳିନଥିବା ଅଭିଯୋଗ ଆସିଛି । ଏ ନେଇ ଜିଲ୍ଲା ପୌରପାଳିକା ସୁଇପର ସଂଘ ପକ୍ଷରୁ ପୌରପାଳିକା କର୍ତ୍ତୃପକ୍ଷ ଓ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରାଯାଇଥିବା ସୂଚନା ମିଳିଛି ।
ବିଭିନ୍ନ ସମସ୍ୟା ନେଇ ପୌରପାଳିକା ସୁଇପର ସଂଘର ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ
ମହାମାରୀ ସମୟରେ ଅତି ଜରୁରୀ ନଥିଲେ ଲୋକମାନେ ଘରୁ ବାହାରୁ ନାହାନ୍ତି । କିନ୍ତୁ ଜିଲ୍ଲାର ସୁଇପରମାନେ ନିଜ କର୍ତ୍ତବ୍ୟରୁ ବିରତି ନେଇନାହାନ୍ତି । ଏହି ସମୟରେ ମଧ୍ୟ ସେବା ଯୋଗାଇ ଆସିଛନ୍ତି ସୁଇପର । କିନ୍ତୁ ସେମାନଙ୍କୁ ସେମାନଙ୍କ ଅଧିକାର ମିଳିପାରିନାହିଁ । ପୌରପାଳିକା ଅଧୀନରେ 200 କର୍ମଚାରୀ କାର୍ଯ୍ୟ କରୁଥିଲେ ମଧ୍ୟ ଦୀର୍ଘଦିନ ହେଲା ଇପିଏଫ ଓ ଇଏସଆଇ ବାବଦରେ କୌଣସି ଟଙ୍କା ପ୍ରଦାନ କରାଯାଇ ନାହିଁ କିମ୍ଭା କୌଣସି କାଗଜପତ୍ର ଦିଆଯାଇ ନାହିଁ ବୋଲି ଅଭିଯୋଗ ସେମାନେ ଅଭିଯୋଗ କରିଛନ୍ତି ।