ଭଦ୍ରକ: ଟାଉନ ଥାନା ଅର୍ନ୍ତଗତ ଅଚାର୍ଯ୍ୟନଗରଠାରେ ଜଣେ ଯୁବତୀଙ୍କ ଆତ୍ମହତ୍ୟା । ମୃତ ଯୁବତୀ ଜଣକ ହେଉଛନ୍ତି ଖଇରା ଅଞ୍ଚଳର ମୋନାଲିସା ସେଠୀ ।
ଯୁବତୀଙ୍କ ଆତ୍ମହତ୍ୟା, କାରଣ ଅସ୍ପଷ୍ଟ ଖବର ଅନୁଯାୟୀ ମୋନାଲିସା ନିଜ ସମ୍ପର୍କୀୟ ଭାଇ ଓ ଭାଉଜଙ୍କ ସହ ଏକ ଭଡାଘରେ ରହୁଥିଲେ । ଘରେ କେହି ନଥିବା ବେଳେ ନିଜ ଓଢଣୀ ବେକରେ ଦେଇ ଆତ୍ମହତ୍ୟା କରିଥିବା ଜଣାପଡିଛି ।
ଖବର ପାଇ ଟାଉନ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଘରଲୋକ ଓ ମାଜିଷ୍ଟ୍ରେଟଙ୍କ ଉପସ୍ଥିତିରେ ମୃତ ଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଏନେଇ ଅଧିକ ତଦନ୍ତ ଆରମ୍ଭ କରିଛି ।
ମୋନାଲିସାଙ୍କ ଆତ୍ମହତ୍ୟାର ପ୍ରକୃତ କାରଣ ବ୍ୟବଚ୍ଛେଦ ରିପୋର୍ଟ ଓ ପୋଲିସର ତଦନ୍ତ ପରେ ସ୍ପଷ୍ଟ ହେବ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ