ଭଦ୍ରକ: ଲଗାଣ ବର୍ଷା ଯୋଗୁ ଭଦ୍ରକ ଜିଲ୍ଲାରେ ବନ୍ୟା ପରିସ୍ଥିତି ଦେଖାଦେଇଛି । ପ୍ରବଳ ବର୍ଷା ଯୋଗୁଁ ଆଖୁଆପଦା ଠାରେ ବୈତରଣୀ ନଦୀର ଜଳସ୍ତର 20 ମିଟର ଛୁଇଁଛି । ବିପଦ ସଙ୍କେତ 17.83 ମିଟର ରହିଥିବାବେଳେ ଗୁରୁବାର ସନ୍ଧ୍ୟା 6ଟା ସୁଦ୍ଧା ଏଠାରେ ଜଳସ୍ତର 20.04 ମିଟରରେ ପ୍ରବାହିତ ହେଉଛି, ରାତି 8ଟା ପର୍ଯ୍ୟନ୍ତ ମଧ୍ୟ ଜଳସ୍ତର ସେତିକିରେ ସୀମିତ ରହିଛି । ତେଣୁ ବନ୍ୟା ପରିସ୍ଥିତି ସୃଷ୍ଟି ହୋଇଛି । ତେବେ ଜଳସ୍ତର ଆଉ ଅଧିକ ବୃଦ୍ଧି ପାଇବ ନାହିଁ । ବରଂ ଆଜି ରାତିରୁ ଜଳସ୍ତର ହ୍ରାସ ପାଇବ ବୋଲି ଜିଲ୍ଲାପାଳ କହିଛନ୍ତି ।
ଭଦ୍ରକରେ ବନ୍ୟା ସ୍ଥିତି ନେଇ ଜିଲ୍ଲାପାଳଙ୍କ ଅପଡେଟ
ଭଣ୍ଡାରିପୋଖରୀ ଓ ଧାମନଗର ବ୍ଳକର ବିଭିନ୍ନ ରାସ୍ତାରେ ବନ୍ୟା ପାଣି ପ୍ରଭାବିତ ହେଉଥିବାରୁ ଅନେକ ରାସ୍ତାରେ ଯୋଗାଯୋଗ ସମ୍ପୂର୍ଣ୍ଣ ଭାବେ ବାହ୍ୟଜଗତରୁ ବିଚ୍ଛିନ୍ନ ହୋଇଯାଇଛି । ବନ୍ୟା ପାଣି ମାଡିଯିବା ଫଳରେ ଶହ ଶହ ହେକ୍ଟର ଚାଷ ଜମି ପ୍ରଭାବିତ ହୋଇଛି । ଅନେକ ମାଟି ଘର ମଧ୍ଯ ଭାଙ୍ଗିଯାଇଥିବା ସୂଚନା ମିଳିଛି ।