ଭଦ୍ରକ:ଆଖୁଆପଦା ଠାରେ ବୈତରଣୀ ନଦୀର ଜଳସ୍ତର ହ୍ରାସ ପାଇ ଏବେ ବିପଦ ସଙ୍କେତ ତଳେ ପ୍ରବାହିତ ହେଉଛି । ଆଖୁଆପଦା ଠାରେ ବୈତରଣୀ ନଦୀର ବିପଦ ସଙ୍କେତ 17.83 ମିଟର ରହିଛି । ନଦୀର ଜଳ ସ୍ତର ବୃଦ୍ଧି ଯୋଗୁଁ ପ୍ରଥମେ ଧାମନଗର ଓ ଭଣ୍ଡାରିପୋଖରୀ ବ୍ଲକ ବିଶେଷ ଭାବେ ପ୍ରଭାବିତ ହୋଇଛି। ପରେ ତିହିଡି ଓ ଚାନ୍ଦବାଲି ଅଞ୍ଚଳର କିଛି ଅଂଶ ପ୍ରଭାବିତ ହୋଇଛି ବୋଲି ଭଦ୍ରକ ଜିଲ୍ଲାପାଳ ଜ୍ଞାନ ଦାସ ସୂଚନା ଦେଇଛନ୍ତି ।
ଭଦ୍ରକରେ ବନ୍ୟା ସ୍ଥିତି ସୁଧୁରୁଛି : ଜିଲ୍ଲାପାଳ
ରାସ୍ତା ଉପରେ ବନ୍ୟା ପାଣି ମାଡିଯିବା ଫଳରେ ଯେଉଁସବୁ ଯୋଗାଯୋଗ ବିଚ୍ଛିନ୍ନ ହୋଇଯାଇଥିଲା । ସେସବୁ ସାମାନ୍ୟ ହୋଇ ଯାଇଛି । ତେବେ ଅଦ୍ୟାବଧି ଭଣ୍ଡାରିପୋଖରୀ ଓ ତିହିଡି ଅଞ୍ଚଳରେ ଅନେକ ଚାଷ ଜମି ପାଣି ଘେରରେ ଥିବା କହିଛନ୍ତି ଜିଲ୍ଲାପାଳ। ସୋମବାର ସୁଦ୍ଧା ପ୍ରାୟ ସମସ୍ତ ଅଞ୍ଚଳରୁ ପାଣି କମିଯିବ ବୋଲି ସେ କହିଛନ୍ତି ।